კვლევა: წალკაში მცხოვრები ქალების უფლებრივი მდგომარეობა და საჭიროებები The rights and needs of the women living in Tsalka /Research/

კვლევის ავტორი/მკვლევარი: მანონ ბოკუჩავა

მონაცემთა დამუშავება/ვიზუალიზაცია: ნინო მელიქიშვილი

პროექტი: საქართველოს მაღალმთიან წალკის მუნიციპალიტეტში მცხოვრებ ქალთა საჭიროებების კვლევა 

პროექტი ხორციელდება თბილისის ადამიანის უფლებათა სახლის მხარდაჭერით, IREX ევროპასთან პარტნიორობით, ევროკომისიის დაფინანსებით მიმდინარე პროექტის ფარგლებში.

აუქციონის გარეშე ჩატარებული ტენდერი და ტექნიკური მოთხოვნა, რომელსაც მხოლოდ ერთი კომპანია გაუმკლავდა

რუსთავში კოსტავას გამზირის ნაწილის რეაბილიტაცია მიმდინარეობს. იგეგმება 15 შენობის ფასადის განახლება. შესაბამის სამუშაოებზე, ტენდერი აუქციონის გარეშე (NAT), რუსთავის მერიამ მიმდინარე წელს გამოაცხდა.

2 421 779 ლარის სამუშაოების შესყიდვაზე, სატენდერო პირობებში ჩაწერა, რომ პრეტენდენტი უნდა აკმაყოფილებდეს შემდეგს:

„ 2016 წლის პირველი იანვრიდან მოცემული ტენდერის გამოცხადების თარიღამდე, პრეტენდენტის მიერ ფაქტობრივად შესრულებული ანალოგიური ტიპის, ხასიათის, სირთულის და შინაარსის სამუშაოების ღირებულებების ჯამი უნდა იყოს არანაკლებ 7 925 822  ლარი.

წალკის მუნიციპალიტეტის საბიუჯეტო ორგანიზაციების ტენდერებს ამავე უწყებების დირექტორის სიძის კომპანია იგებდა

მალხაზ ზოიძე ააიპ წალკის მუნიციპალიტეტის კეთილმოწყობის სამსახურის დირექტორია. წალკის მუნიციპალიტეტის კეთილმოწყობის სამსახურში მოსვლამდე,  2012-2015 წლებში, მალხაზ ზოიძე წალკის მუნიციპალიტეტის წყალმომარაგების სამსახურის უფროსად მუშაობდა.

მალხაზ ზოიძის მუნიციპალური აიპის ხელმძღვანელად დანიშნვის შემდეგ, შპს ეძანმა პროფილი შეიცვალა და სახელმწიფო ტენდერებში მონაწილეობა დაიწყო.

2011-2016 წლების სხვადასხვა პერიოდებში, შპს ეძანის დირექტორი და მეწილე მალხაზ ზოიძის დის ქმარი – რამაზ შავაძე იყო. შპს ეძანი რამაზ შავაძემ 2011 წელს დააარსა. ეს კომპანია, ძირითადად, სამშენებლო მასალებისა და კვების პროდუქტების მაღაზია იყო, რომელიც პარალელურად კერძო სამშენებლო სამუშაოებსაც ასრულებდა.

3 წლის წინ დაწყებული სარწყავი სისტემის რეაბილიტაციის პროექტი, რომლის შედეგად სოფელმა წვეთი წყალი ვერ მიიღო

არც თუ ცოტას გვაქვს ნანახი, როგორ გამოიყურება ადამიანებისგან დაცლილი, მიტოვებული სოფელი. რატომ ტოვებენ სოფლებს?!

ხშირად დაცარიელებული სოფლების უკან  სუსტი თვითმმართველობა – მთავრობის არაეფექტური რეგიონული პოლიტიკა დგას. ამ ყველაფერს კი საბიუჯეტი თანხების წყალში გადაყრის სახე აქვს.

სწორედ წყალი და ამ შემთხვევაში სარწყავი წყალი შეიძლება გახდეს მარნეულის მუნიციპალიტეტის სოფელ ხიხანის [შაუმიანის ტერიტორიული ერთეული] დაცარიელების მიზეზი. მოსახლეობა საუბრობს, რომ სარწყავი წლის უქონლობის გამო უჭირთ მოსავლის მოყვანა. ადგილი კი ისეთია, რომ ბუნების ძალების და წვიმის იმედად ვერ იქნები. 

კვლევა: " როდესაც შენი მეზობელი სპილენძისა და ოქროს მომპოვებელი საწარმოა"/When your neighbor is a copper and gold mining enterprise

ინფორმაციის კვლევის შესახებ

კვლევის შემსრულებელი ორგანიზაცია/მკვლევარია

ორგანიზაცია: ქვემო ქართლის მედია/ მკვლევარი: მანონ ბოკუჩავა

პროექტი, რომლის ფარგლებში მომზადდა კვლევა, დააფინანსა ორგანიზაციამ „ქალთა ფონდი საქართელოში.“[1] კვლევის მიზანია: ქალთა განწყობების შესწავლა საწარმო RMG-ის საქმიანობის მიმართ, არსებული პრობლემების გამოვლენა და საზოგადოებაში შესაბამისი დისკუსიების წარმართვა.

კვლევის განხორციელების პერიოდი: 2018 წლის 15 თებერვლიდან 31 ივლისის ჩათვლით. 

კვლევის ჩატარების არეალი: დაბა კაზრეთი

ნანა მასწავლებელი ეკომიგრანტებით დასახლებული სოფელ ხიხანიდან

სოფელ ხიხანში ნანა მასწავლებლის სახლი ყველამ იცის. მარნეულის მუნიციპალიტეტში, ეკომიგრანტებით დასახლებულ 500 მოსახლიან სოფელში, ნანა გაბაიძე რუსულსაც ასწავლის, ცეკვასაც და ქალთა ფეხბურთის გუნდსაც უძღვება.

პროფესიით დაწყებითი კლასების პედაგოგი ერთ დროს ბაღის გამგეც იყო, დღეს კი სოფელში მრავალ განსხვავებულ საქმეს ითავსებს.

2014 წლიდან საკუთარი სახლის პირველ სართულზე სათემო ცენტრი აქვს მოწყობილი და აქაურობა ხიხანელების თავშეყრის ერთადერთი ადგილია. სახლის მეორე სართულზე კი მსურველებს ცეკვას ასწავლის და არც ქართული ხალხური ფოლკლორის ჯგუფს ეუბნება უარს.

ამბობს რომ მის პატარა ოჯახს რამდენიმე ოთახიც ჰყოფნის. სახლის დარჩენილი ნაწილი მზადაა, სოფელს დაუთმოს.

აუქციონის გარეშე ჩატარებული ტენდერის ხიბლი

„საერთაშორისო გამჭვირვალობა – საქართველომ“ საბიუჯეტო ხარჯების და სახელმწიფო შესყიდვების მონიტორინგის ფარგლებში საქართველოს 5 თვითმმართველი ქალაქის [თბილისი, ბათუმი, ქუთაისი, რუსთავი, ფოთი] ბიუჯეტებიდან საახალწლო და საშობაო ღონისძიებებზე გაწეული ხარჯები შეისწავლა.

რატომ იკვლევს მსგავს ხარჯებს  „საერთაშორისო გამჭვირვალობა – საქართველო“ ?

„ საახალწლო ღონისძიებებთან დაკავშირებული სახელმწიფო შესყიდვები, როგორც წესი, გამოირჩევა იმით, რომ მაღალია უტენდერო, პირდაპირი შესყიდვების წილი. პირდაპირი შესყიდვის საფუძვლად კი ძირითადად გადაუდებელი აუცილებლობა ან სახელმწიფოებრივი და საზოგადოებრივი მნიშვნელობის ღონისძიება სახელდება. მიუხედავად იმისა, რომ ახალი წელი ყოველთვის 1 იანვარს არის, მუნიციპალიტეტები ვერ ახერხებენ დროულად დაიწყონ ახალი წლის ღონისძიებებისთვის მზადება და წლის ბოლოს დაჩქარებულად და მითუმეტეს, პირდაპირი შესყიდვებით არ დახარჯონ ბიუჯეტის ფული“- ვკითხულობთ გამჭვირვალობის განცხადებაში.

H2O როგორც მხოლოდ ფორმულა – სკოლა წყლის გარეშე

ბერლინს და სოფელ წინწყაროს ბევრი არაფერი აქვთ საერთო. მიუხედავად ამისა, რვა წლის წინ, სწორედ, ბერლინში დაწერილი: „ ჩვენ გვინდა, ვიცხოვროთ სამყაროში, სადაც თითოეულ ადამიანს ექნება შესაძლებლობა, ხელი მიუწვდებოდეს უსაფრთხო სასმელ წყალსა და სანიტარიაზე“ – წინწყაროელების გულის მთავარი ნადებია. ეს სიტყვები წყლისა და სანიტარიაზე ხელმისაწვდომობის კუთხით გაეროს სპეციალურ მომხსენებელს, კატერინა დე ალბუკერკს ეკუთვნის.

უწყლობის გამო წინწყაროში დ მის მეზობელ სოფლებში ცხოვრება ურთულდება ყველას, დიდსა თუ პატარას. ამჯერად პატარებით ვიწყებთ.

წინწყარო წყაროს იმედად რჩება

„ონკანი?! ეგ რისთვისაა?!“ –  ასე ჟღერს თეთრიწყაროს მუნიციპალიტეტის სოფელ წინწყაროს მოზარდების ერთ-ერთი საყვარელი ხუმრობა. სოფელს უკვე წლებია სასმელი და სარწყავი წყლის პრობლემა აქვს. წინწყაროში ამბობენ, რომ წყალი ოთხ დღეში ერთხელ აქვთ, ისიც ერთი საათით და არის ზაფხულის თვეები, როდესაც კვირობით ელიან მას.

სოფელი წყალს ყიდულობს, ან ეზიდება წყაროებიდან. ადგილობრივები ამბობენ, რომ არაერთი პროექტი განხორციელდა სოფლის წყლის სისტემის მოსაწესრიგებლად, მაგრამ პრობლემა მაინც ვერ მოგვარდა. უმრავლესობა თანხმდება მოსაზრებაზე, რომ ზოგადად სოფელს წყლის საკმარისი რაოდენობა არ მიეწოდება და პრობლემა მილების გაუმართაობაში არ არის. თუმცა ისმის მოსაზრებები წყლის „მოპარვაზე“, მეცხვარეების მიერ მილების დაზიანებაზე. რეალურად კი მაინც არავინ იცის, რასთან აქვთ საქმე.

აფხაზ მეგობარს

განსაკუთრებული შემოდგომა გვქონდა. სხვა ერის და სხვა ქვეყნის ზღვის სანაპიროსთან, ქართველები და აფხაზები შევხვდით (მცირე ჯგუფი). აღარ ვასახელებ პროექტს და ადგილს.

ჩვენ, ანუ მე და შენ დავმეგობრდით. ძალიან „ერთნაირები ვიყავით“ და ალბათ, ამიტომაც. ბევრი ვისაუბრეთ მნიშვნელოვან და ნაკლებად მნიშვნელოვან ამბებზე. შენ მითხარი, რომ გაოცებს ჩემი გულახდილობა და მე იცი, ძალიან დამწყდა გული..

ვერ გაგიზიარე ის, რაც წესით უნდა მეთქვა. ოღონდ არა იმიტომ, რომ ვერ გამიგებდი და ეს მაშინებდა -  უბრალოდ, ადამიანები „უღრან ტყეში“, ღრმა ორმოებში ვმარხავთ ტკივილებს და გვიჭირს მათთან მიბრუნება.

ახლა გწერ იმას, რაც ვერ გითხარი და ვიზრუნებ იმაზე, რომ ეს სიტყვები მოვიდეს შენამდე:

The Two Faces of Batumi

Alongside cobbled streets with newly built block of flats and modern hotels there is another facet of Batumi. These are the so-called barracks unfit for living. Most of them are dilapidated, with broken floors and wall cracks, water leaking from ceiling and sewing system being out of order.

გარდაბანი - აფხაზეთიდან დევნილები სასმელი წყლის პრობლემის მოგვარებას წლებია ითხოვენ

გარდაბნის მუნიციპალიტეტის აღმაშენებლის #23-ში, ყოფილი გვარდიის საერთო საცხოვრებელში 1993 წლიდან აფხაზეთიდან  იძულებით გადაადგილებული პირები ცხოვრობენ. სხვა სოციალურ-ეკონომიკურ საკითხებთან ერთად მათი მთავარი საზრუნავი სასმელი წყლის უწყვეტი მიწოდების პრობლემის მოგვარებაა, რომელსაც ისინი უკვე წლებია ამაოდ ცდილობენ.

წყლის მიწოდების პრობლემა განსაკუთრებით მწვავედ დგას ზაფხულში, რადგან წელიწადის ამ დროს ადგილობრივი მოსახლეობა წყალს ნაკვეთების სარწყავად იყენებს, რის გამოც  წყლის წნევა ეცემა  და საცხოვრებელ ბინებამდე ვერ აღწევს. მათთვის ერთადერთი გამოსავალი  ეზოში არსებული ონკანია, სადაც წყალი გრაფიკით მოდის და ბიდონებით  უწევთ მისი შეგროვება. თუმცა, არის ისეთი დღეებიც, როდესაც  დაბალი წნევის გამო ეზოშიც წყდება წყალი და კორპუსის ოცდაორივე ოჯახი უწყლოდ რჩება.

რუსთავს ახალი წლის "ლამაზად" შეხვედრა 114 482 ლარი დაუჯდა

საახალწლო სამზადისის დაწყებისას, რუსთავის ადგილობრივი ხელისუფლების წარმომადგენლები აცხადებდნენ, რომ ყველაფერს აკეთებენ იმისთვის, რომ რუსთაველები „ლამაზად“ შეხვდნენ ახალ წელს.

ახლა, როდესაც დასასრულს უახლოვდება, სადღესასწაულო  პერიოდი, kvemokartli.ge დაინტერესდა, რა დაუჯდა ეს „სილამაზე“ ადგილობრივ ბიუჯეტს.

„ოცნების“ კანდიდატების წარდგენა - „საკუთარი სურვილით“ წალკიდან, მარნეულიდან, გარდაბნიდან ჩამოსული ადამიანები (+ვიდეო)

დღეს, რუსთავში „ქართული ოცნების“ კანდიდატები წარადგინეს. ოფიციალური ღონისძიება დღის მეორე ნახევარში დაიწყო, თუმცა დილიდან ქალაქში ავტომობილების უჩვეულო სიმრავლე იყო. ადამიანები რუსთავში, წარდგენის ღონისძიებისთვის, ქვემო ქართლის თითქმის ყველა მუნიციპალიტეტიდან ჩამოვიდნენ (ან ჩამოიყვანეს). მარნეულის მუნიციპალიტეტის სოფელ კაჩაგანის მეორე სკოლის პედაგოგოები გვიხსნიდნენ, რომ უქმე დღე  „ქართული ოცნებისთვის“ საკუთარი ნებით „დათმეს“ და დასვენების ნაცვლად რუსთავს ესტუმრნენ.

2014 წელი, რუსთავის მერი: „მოვახდენთ არსებული საბავშვო ბაღების რეაბილიტაციას და ავაშენებთ ახალს“

გასულ თვითმმართველობის არჩევნებზე, რუსთაველებს მმართველი პარტიის მერობის კანდიდატი დავით ჯიქია, არსებული საბავშვო ბაღების რეაბილიტაციას და ახალი სკოლამდელი დაწესებულებების მშენებლობას დაჰპირდა. თავის საარჩევნო კლიპში (ვიდეო)ჯიქია ამბობდა: „მოვახდენთ არსებული საბავშვო ბაღების რეაბილიტაციას და ავაშენებთ ახალს.“

საჯარო მოხელეების მივლინებები – საქმე თუ გართობა?

გასულ წელს, რუსთავის ადგილობრივი ბიუჯეტიდან მერიაში დასაქმებული საჯარო მოხელეების მივლინებებისთვის 36 424 ლარი, ხოლო საკრებულოს წევრების მივლინებებისთვის 53 863 ლარი დაიხარჯა.

ფაქტ-მეტრი დაინტერესდა, რა ღონისძიებებისთვის მიდიან რუსთავის თვითმმართველობის წარმომადგენლები მივლინებებში და რა კონკრეტული შედეგი დგება ამ ვიზიტებით.

რუსთავის საკრებულოს ფრაქცია „ქართული ოცნების“ თავმჯდომარე მერაბ სულაბერიძე ერთ-ერთი მივლინებით ფილიპინებში (2015 წელს) იმყოფებოდა. მივლინებისას მან „ბელადის“ როლი მოირგო – საზოგადოებამ ამის შესახებ Facebook-ში გამოქვეყნებული ფოტოთი შეიტყო.

რუსთავში მუნიციპალურ შპს-ებსა და ა(ა)იპ-ებში შრომითი ანაზღაურებისთვის 12 მილიონ 546 490 ლარი დაიხარჯა (kvemokartli.ge)

„ქვემო ქართლის საინფორმაციო პორტალმა kvemokartli.ge” რუსთავის მერიისგან მუნიციპალურ შპს-ებსა და ა(ა)იპ-ებში, 2016 წელს, დასაქმებულ პირთა რაოდენობასა და შრომით ანაზღაურებაზე ინფორმაცია გამოითხოვა. უწყობის მოწოდებული მონაცემების თანახმად, გასულ წელს, რუსთავის მუნიციპალურ შპს-ებსა და ა(ა)იპ-ებში 2 440 ადამიანი მუშაობდა. საერთო ჯამში მათი შრომითი ანაზღაურებისთვის, 2016 წელს, 12 მილიონ 546 490 ლარი დაიხარჯა.

ინფოგრაფიკა - გენდერული ნიშნით ძალადობა ქვემო ქართლში - 25 აპრილი 2017 (Kvemokartli.ge)

არასამთავრობო ორგანიზაცია ,,სიდამ“ ქვემო ქართლის რეგიონში მცხოვრებ ქალთა უფლებრივ მდგომარეობაზე კვლევა მოამზადა. შედეგები გასული თვის ბოლოს გახდა ცნობილი. ორგანიზაციამ, ზოგადი ტენდენციების აღმოსაჩენად, კვლევის რაოდენობრივი და თვისობრივი მოდელები გამოიყენა. სამუშაო შესრულდა პროექტის ფარგლებში: ,,იურიდიული დახმარებისა და სტრატეგიული სამართალწარმოების სერვისები ქვემო ქართლში.“

გაჩიანელ მოსწავლეებს უფასო ტრანსპორტი დაუნიშნეს

„ ადამიანის უფლებათა ცენტრი“-ს რვათვიანი მუშაობის შედეგად, გარდაბნის მუნიციპალიტეტის,  გაჩიანის დასახლების არაქართულენოვან მოსწავლეებს უფასო ტრანსპორტი დაუნიშნეს. 60-მდე მოსწავლეს განათლების სამინისტრომ სამარშუტო მიკროავტობუსი გამოუყო, რომელიც მათ გაჩიანიდან რუსთავში ჩაიყვანთ. 

(უზრუნველყოფს ასევე, საგაკვეთილო პროცესის შემდეგ მათ გაჩიანში მიყვანას)

რუსულენოვანი სექტორის მქონე, რუსთავის მე-3 საჯარო სკოლაზე მოსწავლეთა არჩევანი ქართულის არასახარბიელო ცოდნის გამო შეჩერდა. და იმის გამოც, რომ უკვე წლებია გაჩიანის დასახლებიდან ოჯახების ნაწილი, საშუალო განათლების მისაღებად, ამ სკოლას ირჩევს.

დავით ჯიქია სტუდენტური ავტობუსების შესახებ: „ჯერჯერობით ყველაფერი შესწავლის სტადიაშია“

(გიორგი ბეგაძე, დავით ჯიქია)

რამდენიმე კვირის წინ, რუსთავის მაჟორიტარმა გიორგი ბეგაძემ ახალი ინიციატივა გააჟღერა. ბეგაძე საუბრობდა სტუდენტებისთვის რუსთავი-თბილისის მიმართულებით ავტობუსების დანიშნვაზე. საკითხზე მაჟორიტარი „ქვემო ქართლის საინფორმაციო პორტალსაც - KKPRESS.GE" ესაუბრა. ბეგაძე აცხადებს, რომ თემაზე მოლაპარაკებები დაწყებულია ყველა შესაბამის უწყებასთან.

ინიციატივას რუსთაველების დადებითი შეფასება მოყვა. საზოგადოების ნაწილმა ჩათვალა, რომ საკითხი უკვე გადაწყვეტილია. თუმცა ვითარება, სამწუხაროდ, ასე მარტივად არ გამოიყურება.  

თემაზე კომენტარს რუსთავის მერი აკეთებს:

რას აკეთებენ არჩეულები ?!

„ქვემო ქართლის საინფორმაციო პორტალი - KKPRESS.GE" დაინტერესდა, რა სამუშაო შეასრულეს ამ დროისთვის რეგიონის არჩეულმა მაჟორიტარებმა. ამჯერად ვსაუბრობთ, რუსთავის მაჟორიტარ დეპუტატ გიორგი ბეგაძესთან.

რა სამუშაო შეასრულეთ ამ დროისთის? რა საკანონმდებლო ინიციატივები გქონდათ?

მე ვფიქრობ, ეს საქმიანობა არის ძალიან საპასუხისმგებლო. ასეთი გამოთქმა არსებობს „იჩქარე ნელა." საკანონმდებლო ინიციატივაც და საერთოდ აქტივობებიც თანმიმდევრულ პროცესშია ჩართული. ვამზადებთ ჩვენ საკანონმდებლო ინიციატივასაც და მთლიანად ქალაქისთვისაც გვაქვს სხვადასხვა ინიციატივები. ასე ვთქვათ ნაბიჯ-ნაბიჯ მივყვებით ამ პროცესებს.

სავალან მირზოევი: „მე, როგორც ჩემი სხვა კოლეგები უმრავლესობიდან, მხარს ვუჭერ მოსმენების შესახებ კანონპროექტს“

„ქვემო ქართლის საინფორმაციო პორტალი - KKPRESS.GE" დაინტერესდა, რა სამუშაო შეასრულეს ამ დროისთვის რეგიონის არჩეულმა მაჟორიტარებმა. ამჯერად ვსაუბრობთ, გარდაბნის მაჟორიტარ დეპუტატ სავალან მირზოევთან.

რა სამუშაო შეასრულეთ ამ დროისთვის? რომელ კანონპროექტზე მუშაობდით?

ამ ეტაპზე, კანონპროექტზე არ მიმუშავია. ძირითადად, ვმუშაობ ჩემ რაიონში არსებულ პრობლემებზე. დავიწყეთ მიწის პრობლემის შესწავლა. კონკრეტულად კი ვმუშაობთ სოფელ ლემშვენიერაში არსებულ მიწის პრობლემაზე.

რას აკეთებენ არჩეულები ?! - 18 თებერვალი 2017

„ქვემო ქართლის საინფორმაციო პორტალი - KKPRESS.GE" დაინტერესდა, რა სამუშაო შეასრულეს ამ დროისთვის რეგიონის არჩეულმა მაჟორიტარებმა. ამჯერად ვსაუბრობთ, რუსთავის მაჟორიტარ დეპუტატ პაატა მხეიძესთან.

უკვე ასი დღე გავიდა ჩვენი დელეგირებიდან. ამ პერიოდის განმავლობაში მოვახერხეთ ის, რომ მაჟორიტარის ბიურო ფუნქციონირებს გამართულად. ვღებულობთ მოქალაქეებს, რომელთაც აქვთ სხვადასხვა სახის სოციალური პრობლემები. მეტ-ნაკლებად ვახერხებთ მათი პრობლემების გადაწყვეტას.

მგზავრი, როგორც უსულო ტვირთი

07 თებერვალი 2017

ხალხი, რომელსაც არ ჰყავს საკუთარი ავტომობილი იძულებულია გადაადგილდეს საზოგადოებრივი ტრანსპორტით. სიტყვა „იძულებულია“ არაა შემთხვევით გამოყენებული და თუ რატომ, სწორედ ამაზე ვისაუბრებთ.

როგორ გრძნობს მომხმარებელი თავს მუნიციპალურ ავტობუსში, შიდასაქალაქო და საქალაქთაშორისო ტრანსპორტში - ამას რუსთავის მაგალითზე ვნახავთ. ვიწყებთ რუსთავის მუნიციპალური, ე.წ. ყვითელი ავტობუსებით.

მეზობლების ახალი წელი

09 იანვარი 2017

 

ბაქოს ცენტრალური ქუჩების ნაწილი საახალწლო განათებებითაა მორთული. საზეიმო განწყობა იგრძნობა მრავალსართულიან სავაჭრო ცენტრებსა და გასართობ ადგილებშიც. ადამიანები ოჯახებთან ერთად სტუმრობენ ბაქოს ბულვარს, საახალწლო ბაზრობას, ყიდულობენ საჩუქრებს. ყველაფერი თითქმის ისევეა, როგორც ჩვენთან. ალბათ, ჩვენნაირად საახალწლო დღეებში ბაქოელებიც ცოტათი იმაზე ბედნიერები არიან, ვიდრე სხვა დღეებში.

როცა შენი მეზობელი კასპის ცემენტის საწარმოა...

30 ნოემბერი 2016 წელი 

ერთი კედელი და 10-15 მეტრი ჰყოფს ერთმანეთისგან „ჰაიდელბერგ ცემენტის“ კასპის საწარმოს და ფარნავაზ-მეფის ქუჩაზე მცხოვრებ ოჯახებს. საწარმოსთან სიახლოვე ადგილობრივებს მშვიდი ცხოვრების შესაძლებლობას ართმევს.

ნათელა თათარაშვილი და მანანა მარგიანი ამ ქუჩაზე ცხოვრობენ. გვიყვებიან, რომ საწარმოდან დანადგარების და ღუმელების მუშაობის ხმა მთელი დღე-ღამის განმავლობაში ისმის. ასევე 24-საათიან უწყვეტ რეჟიმში მათ ქუჩაზე  საწარმოს სატვირთოები მოძრაობენ. „გარდა იმ ხმაურისა, რასაც ეს სატვირთოები იწვევენ,

„სიყვარულით“ რუსეთისგან

(15 დეკემბერი 2016 წელი)

თანამედროვე სამყაროში ბრძოლის იარაღები იმდენად შეიცვალა, რომ ხშირად რთულია იმის გარჩევა, საერთოდ გვაქვს თუ არა საქმე იარაღთან. პროპაგანდა სწორედ ის საშუალებაა, რომელიც კონკრეტული იარაღივით არ გამოიყურება. თუმცა ეს არ ართმევს მას ძალას  - სახელმწიფო, როგორც ერთი დიდი გემი, სწორი მიმართულებიდან შემოაბრუნოს და ფსკერამდე ჩაიყვანოს.

თანამედროვე სამყარომ აითვისა ინფორმაცია, როგორც „რბილი ძალის“ ერთ-ერთი მთავარი ძრავა. არაა აუცილებელი დიდი დანახარჯები სამხედრო ტექნიკაზე, სამხედრო მიმართულებით ადამიანური რესურსის მომზადებაზე - საკმარისია შექმნა მცდარი ინფორმაციის გამავრცელებელი საინფორმაციო მანქანები და შედეგი ნელ-ნელ დადგება.

ღიად დატოვებული ორმოები

საფრთხე ჭიათურის სოფლებისთვის

ჭიათურის მუნიციპალიტეტის სოფლებში, წიაღისეულის გარემოს დაცვის სტანდარტების დარღვევით მოპოვებაზე ჩივიან. „ჯორჯიან მანგანეზის“ კონტრაქტორი კომპანიების მუშაობის შედეგად სოფლებში -რგანსა და თაბაგრებში საცხოვრებელ სახლებთან ახლოს 7-8-მეტრიანი ორმოებია ამოთხრილი. ადგილობრივები გაუთავებელ ხმაურზე, მტვერზე, მძაფრ და შემაწუხებელ სუნზე, დაბინძურებულ სასმელ წყალსა და დაზიანებულ სოფლის გზებზე საუბრობენ. მოითხოვენ მშვიდ და უსაფრთხო გარემოში ცხოვრების უფლებას.

,, ყველას აქვს უფლება, ცხოვრობდეს ჯანმრთელობისათვის უვნებელ გარემოში, სარგებლობდეს ბუნებრივი და კულტურული გარემოთი“ - წერია საქართველოს კონსტიტუციის 37-ე მუხლში.

ბოშების რთული გზა სკოლისკენ - 19 ოქტომბერი 2016

გარდაბნის მუნიციპალიტეტის გაჩიანის დასახლებაში ბოშების სახლებისკენ მიმავალი გზა ასფალტის საფარიანი მონაკვეთის  დასრულების შემდეგ იწყება. ჩნდება სახლები, რომელთა დანახვაზე გახსენდება სიტყვები - „სიღარიბე“, „სიცივე“ და უკვე ზუსტად იცი – ჭრელ კაბებში მოცეკვავე, ჟღარუნასამკაულებიანი ბოშები მხოლოდ ფილმის გმირები არიან, რომელსაც ამჯერად რეალობა არ დაგახვედრებს.

ანიუტა ამ დასახლების ყველაზე ლამაზი მე-3 კლასელი ბოშა გოგოა. აქ არიან სხვა ბავშვებიც, როლებმაც, ძირითადად, მხოლოდ რუსული იციან. ამის გამო ისინი სკოლაში არა გაჩიანში, არამედ რუსთავში დადიან, სადაც რუსული სექტორი არსებობს.

დევნილები ოსი და აფხაზი მეგობრების შესახებ - 17 ოქტომბერი 2016

ქართულ-ოსური და ქართულ-აფხაზური ურთიერთობები, რომელიც ომით არ იწყება...

(თეთრიწყაროს მუნიციპალიტეტი, კოდა - დევნილთა კომპაქტური დასახლება)

ცხინვალის და აფხაზეთის რეგიონები, უკვე ორ ათეულ წელზე მეტია ეთნიკურად ქართული მოსახლეობის გარეშე აგრძელებენ ცხოვრებას. ჩვენმა დევნილებმა მეტ-ნაკლებად აუღეს ალღო ახალ გარემოებებს: ცხოვრობენ კომპაქტურ დასახლებებში, ზოგმა საცხოვრებელი მიიღო, ზოგიც დღემდე ელის - ცხოვრება ოკუპირებულ რეგიონში კი სულ სხვაგვარად მიდის.

ერთი კი, რაც დევნილებს და აფხაზეთ-ცხინვალის რეგიონში დარჩენილებს აერთიანებთ  - ეს ახალი თაობაა, რომელსაც ძირითადად მხოლოდ კონფლიქტის შესახებ აქვს ინფორმაცია.  

მარნეულის მუნიციპალიტეტის სოფელ ალგეთში ამომრჩეველთა ინფორმირებისთვის საინფორმაციო შეხვედრა გაიმართა - 04 სექტემბერი 2016

„საქართველოს რეგიონული მედიის ასოციაცია" ქვეყნის რვა რეგიონში ახორციელებს პროექტს: „რეგიონული მედია ამომრჩეველთა ინფორმირებისა და განათლებისათვის."

პროექტი მიზნად ისახავს საქართველოს რეგიონული მედიასაშუალებების მიერ საინფორმაციო-საგანმანათლებლო კამპანიის ჩატარებას, 2016 წლის 8 ოქტომბრის საპარლამენტო არჩევნების შესახებ მოქალაქეთა ინფორმირებულობის გაზრდისა და მათი გააქტიურებისთვის. რათა ამომრჩევლებმა შეძლონ გააზრებული, დემოკრატიული არჩევანის გაკეთება და შემდგომ პროცესებში მონაწილეობა. მოხდება საქართველოს 8 რეგიონში (სამცხე-ჯავახეთი, კახეთი, შიდა ქართლი, ქვემო ქართლი, იმერეთი, გურია, სამეგრელო და აჭარა)

გარდაბანში მმართველი პარტიის საარჩევნო კამპანია გაშლილი სუფრის თანხლებით მიმდინარეობს 02.09.2016

ქართული ოცნების გარდაბნის მაჟორიტარობის კანდიდატი სავალან მირზოევი საარჩევნო კამპანიას ტკბილეულით გაშლილი სუფრის თანხლებით მართავს. მაჟორიტარობის კანდიდატი მსგავსი შეხვედრის ფოტოებს ფეისბუკის ოფიციალურ გვერდზე აქვეყნებს. ფოტოებზე ასახულია 20-30 კაცზე გაშლილი სუფრა, სადაც შეგიძლიათ იხილოთ ჩაი, ხილი და  ტკბილეული. მხოლოდ ერთ შემთხვევაში ვკითხულობთ, რომ მაჟორიტარობის კანდიდატს თავად ადგილობრივები გაუმასპინძლდნენ.

 „ქართული ოცნების გარდაბნის მაჟორიტარმა კანდიდატმა, სავალან მირზოევმა მოსახლეობასთან შეხვედრა სოფელ ლემშვანიერას მაცხოვრებლებთან ვიზიტით და მათი პრობლემების მოსმენით დაიწყო. სვანებმა კანდიდატი სვანური კუბდარის დაგემოვნების გარეშე არ გამოუშვეს“, - ნათქვამია კანდიდატის ოფიციალურ გვერდზე გამოქვეყნებულ განცხადებაში.

ყიზილაჯლოში თვითმმართველობის საკითხებზე საინფორმაციო შეხვედრა გაიმართა

გაეროს განვითარების პროგრამის (UNDP) ფინანსური მხარდაჭერით, „ქვემო ქართლის პრესა/KKPRESS" ახორციელებს პროექტს: „ ინფორმაცია მოდის შენს სოფელში - რეგიონული მედია მარნეულის მუნიციპალიტეტში ადგილობრივი დემოკრატიის მხარდაჭერისთვის."

პროექტის ფარგლებში გამოიცა ქართულ-აზერბაიჯანული  (რვა გვერდიანი, ტირაჟი 500) გაზეთი „ქვემო ქართლი," რომელიც ვრცელდება მარნეულის მუნიციპალიტეტის სოფლებში.

აგრეთვე თვითმმართველობის კოდექსის შესახებ მოსახლეობის ინფორმირებისთვის, დღეს  მარნეულის მუნიციპალიტეტის სოფელ ყიზილაჯლოში, ჩატარდა საინფორმაციო-საგანმანათლებლო ხასიათის შეხვედრა. ღონისძიების მომხსენებელმა, დოქტორანტმა საჯარო მმართველობის საკითხებში (რევაზ ეგაძე) ყიზილაჯლოს მაცხოვრებლებს

სავალან მირზოევი - „ქართული ოცნების“ მაჟორიტარობის კანდიდატი გარდაბნის მუნიციპალიტეტში

„ქვემო ქართლის საინფორმაციო პორტალი - KKPRESS.GE" აგრძელებს მაჟორიტარობის კანდიდატების საზოგადოებისთვის გაცნობას. ამჯერად „ქართული ოცნების" გარდაბნის მაჟორიტარობის კანდიდატს სავალან მირზოევს ვესაუბრებით.

კითხვაზე რა არის მისი საარჩევნო პროგრამის პრიორიტეტული საკითხი ამბობს, რომ გარდაბანი აგრალური რაიონია, თუმცა მიუხედავად ამისა მოსახლეობას არ აქვს სრული ინფორმაცია ამ მიმართულებით არსებულს სახელმწიფო პროგრამებზე. შესაბამისად, საარჩევნო პროგრამის ნაწილს მოსახლეობისთვის ამ ინფორმაციის მიწოდებაზე აგებს.

გარდაბანსა და რუსთავში ბლოკ „პაატა ბურჭულაძე - სახელმწიფო ხალხისთვის” წარწერები დაუტოვეს და ერთი დროშაც მოპარეს - 25 აგვისტო 2016

დღეს, სავარაუდოდ, გამთენიისას საარჩევნო ბლოკ „პაატა ბურჭულაძე - სახელმწიფო ხალხისთვის" შექმნით უკმაყოფილო საზოგადოების ნაწილმა, იერიში ამ გაერთიანებაში შემავალი პარტიების ოფისებზე მიიტანა.

რუსთავში ბურჭულაძის ოფისს მიაწერეს „პაატა+ბიძინა/41" აგრეთვე, ბურჭულაძით უკმაყოფილო წარწერის ავტორმა, რატომღაც ოფისის კართან ჩამოკიდებული ერთი დროშაც გააყოლა ხელს. საარჩევნო ბლოკის წარმომადგენლები აცხადებენ, რომ უკვე მიმართეს სამართალდამცავებს.

ჩვენი კოლეგები იუწყებიან კახეთიდან, რომ დღეს დილით ასეთივე წარწერები დახვდათ, ოფისის ფასადზე, ბურჭულაძის პარტიის გურჯაანის წევრებს.

„ოცნების“ რუსთავის მაჟორიტარობის კანდიდატები ამომრჩევლებს შეხვდნენ + (ვიდეო) - 24 აგვისტო 2016

„ქართული ოცნება" აქტიურ წინასაარჩევნო კამპანიაზე გადადის. მაჟორიტარობის კანდიდატების წარდგენის შემდეგ, 23 აგვისტოს, მმართველი გუნდის რჩეულები ამომრჩევლებს შეხვდნენ.

მარტივი სცენარით დაგეგმილი ღონისძიება, რუსთავის კულტურისა და დასვენების პარკში, 20 საათზე დაიწყო. შეხვედრის დამსწრეთა ნაწილი საჯარო დაწესებულებების თანამშრომლები გახლდნენ. სიტყვით შეკრებილებს თავდაპირველად რუსთავის მერმა დავით ჯიქიამ მიმართა, რომელიც ამავე დროს „ქართული ოცნების" რუსთავის ორგანიზაციის ხელმძღვანელია. ჯიქია, რომელიც არაოფიციალური ინფორმაციით ქალაქის მაჟორიტარობაზე არც თავად იტყოდა უარს, შეკრებილებს კანდიდატების მხარდაჭერისკენ მოუწოდებდა. სიტყვით გამოვიდნენ მაჟორიტარობის კანდიდატები - პაატა მხეიძე და გიორგი ბეგაძე.

მარნეულის ჩართულობის ცენტრი - დემოკრატიის „კუნძული“ ქვემო ქართლის რეგიონში/ Marneuli Mülki Məşğulluq Mərkəzi – Kvemo Kartli regionunda demokratiya “adası” - 25 აგვისტო 2016

მკითხველისთვის მარნეულის სამოქალაქო საზოგადოების გაცნობას „დემოკრატიული ჩართულობის ცენტრით" ვიწყებთ. მარიამ სამხარაძე ამ ცენტრის კოორდინატორია. ამბობს, რომ გახსნის დღიდან დღემდე  110 ღონისძიება ჩაატარეს. თემატიკა იყო მრავალფეროვანი: განათლების სისტემის პრობლემები მუნიციპალიტეტში, გარემოს დაცვა, საარჩევნო პროცესებთან დაკავშირებული დისკუსიები, ადგილობრივი ბიუჯეტის განხილვები, საჯარო შეხვედრები ადგილობრივი და ცენტრალური ხელისუფლების წარმომადგენლებთან - აგრეთვე, ორგანიზება გაუწიეს ღონისძიებებს, სხვა ლოკალურ დონეზე აქტუალურ საკითხებზეც.

მარიამ,  რომელი ორგანიზაციის მიერ შეიქმნა თავდაპირველადჩართულობის ცენტრები? რამდენია ქვეყნის მასშტაბით? მათიშექმნის მიზანი რა იყო? ახლა, რომელი ორგანიზაცია მართავს ამცენტრებს? და როგორია სტატუსი?

2011 წლიდან ამერიკის შეერთებული შტატების საერთაშორისო განვითარების სააგენტოს (USAID) დახმარებით საქართველოს 10 რეგიონში დემოკრატიული ჩართულობის ცენტრები დაარსდა. მათგან 6 აღმოსავლეთ საქართველოშია, 4 - დასავლეთში. ქვემო ქართლში ორი ცენტრია - მარნეულსა და რუსთავში.

media.ge-ს რედაქტორი: „ ჯერ კისერში მწვდა, შემდეგ ხელში და კამერა გამითიშა“ - 18 აგვისტო 2016

დავით მჭედლიძე media.ge-ს რედაქტორი, ამ წუთებში აქვეყნებს ვიდეო მასალას, რომელიც პროფესიული საქმიანობის დროს გადაიღო.

„დამირეკეს და მითხრეს, რომ რუსთავის გაგარინის ქუჩის ერთ-ერთი შენობიდან ხდებოდა, სავარაუდოდ, უკანონოდ შესული მოქალაქეების გამოსახლება. ადგილზე, რომ მივედი დაბლა პოლიცილები იდგნენ თავისთვის. დავიწყე მუშაობა, რამდენიმე ფოტო გადავიღე. შემდეგ ავედი ზევით. მალევე გაირკვა, რომ ადგილი ჰქონდა ერთი ფართის გამო მოქალაქეებს შორის დავას. მითხრეს, რომ ოთახში იმყოფებოდნენ ეს მოდავე მხარეები, პოლიციელები და სხვა პირებიც. თავიდან, რომ შევაღე კარი ამ ახალგაზრდამ არ ვიცი საპატრულოს თანამშრომელი იყო, კრიმინალურის, თუ ვინ იყო  - ხელი მკრა აქედან დაახვიე-ო, მსგავი სიტყვები მიწოდა. მე ეგრევე ვუთხარი ჟურნალისტი ვარ-მეთქი, მაგრამ გამომაგდო. შემდეგ უკვე ჩავრთე კამერა და ისე შევედი.

„ნეტა, არჩევნები ყოველ წელს იყოს…“ - 18 აგვისტო 2016

რუსთავის სამივე ცენტრალურ გამზირზე სარეაბილიტაციო სამუშაოები მიმდინარეობს. ხდება როგორც გზების, მის გარშემო ინფრასტრუქტურის, ასევე, კოსტავას გამზირის შემთხვევაში, შენობების ფასადების მოწესრიგებაც. ქალაქის ისტორიაში პირველად, ერთი გამზირის ნაწილის (კოსტავას გამზირი - 19 შენობა) რეაბილიტაციისთვის 4 მილიონ 449 998 ლარი იხარჯება. მიმდინარეობს შენობების ფასადების სრული აღდგენა-რეაბილიტაცია. ასევე, მათ წინ არსებული გზის შუა გამყოფი ზოლების, გზაჯვარედინების, ფეხით მოსიარულეთა ბილიკებისა და პარკირების ადგილის ქვაფენილით მოპირკეთება. იგეგმება გაზონების მოწყობა და 100-მდე დეკორატიული ხის დარგვა.

ქართულ-აზერბაიჯანული გაზეთი „ქვემო ქართლი“ რეგიონში „მოგზაურობს“ - 09 აგვისტო 2016

გაეროს განვითარების პროგრამის (UNDP) ფინანსური მხარდაჭერით, ააიპ „ქვემო ქართლის პრესა/KKPRESS" ახორციელებს პროექტს: „ ინფორმაცია მოდის შენს სოფელში - რეგიონული მედია მარნეულის მუნიციპალიტეტში ადგილობრივი დემოკრატიის მხარდაჭერისთვის."

პროექტის ფარგლებში გამოიცა ქართულ-აზერბაიჯანული (რვა გვერდიანი, ტირაჟი #500) გაზეთი „ქვემო ქართლი," რომელიც ვრცელდება მარნეულის მუნიციპალიტეტის სოფლებში.

მუნიციპალიტეტების მართვაში მოქალაქეთა ჩართულობის ფორმებზე საინფორმაციო შეხვედრები იმართება - 08 აგვისტო 2016

გაეროს განვითარების პროგრამის (UNDP) ფინანსური მხარდაჭერით, „ქვემო ქართლის პრესა/KKPRESS" ახორციელებს პროექტს: „ ინფორმაცია მოდის შენს სოფელში - რეგიონული მედია მარნეულის მუნიციპალიტეტში ადგილობრივი დემოკრატიის მხარდაჭერისთვის." 

პროექტის ფარგლებში გამოიცა ქართულ-აზერბაიჯანული  (რვა გვერდიანი, ტირაჟი 500) გაზეთი „ქვემო ქართლი," რომელიც ვრცელდება მარნეულის მუნიციპალიტეტის სოფლებში.

აგრეთვე თვითმმართველობის კოდექსის შესახებ მოსახლეობის ინფორმირებისთვის, 8 აგვისტოს მარნეულის მუნიციპალიტეტის სოფელ თამარისში, ჩატარდა საინფორმაციო-საგანმანათლებლო ხასიათის შეხვედრა. ღონისძიების მომხსენებელმა, დოქტორანტმა საჯარო მმართველობის საკითხებში (რევაზ ეგაძე) თამარისის მაცხოვრებლებს მიაწოდა ინფორმაცია მუნიციპალიტეტის მართვაში მოქალაქეთა ჩართულობის ფორმებზე. შეხვედრის ნაწილი, კითხვა-პასუხის რეჟიმში წარიმართა. ადგილობრივების მხრიდან დასახელდა სოფლის ერთ-ერთი მთავარი პრობლემა, რაც ამბულატორიაში ბუნებრივი აირის უქონლობას უკავშირდება. დაისახა პრობლემის მოგვარების სამართლებრივი გზები.

საკრებულოს თავმჯდომარის სამსახურეობრივი ავტომობილი „ოცნების“ აქციაზე

მანონ ბოკუჩავა, ქვემო ქართლი

http://humanrights.ge/

3 აგვისტოს, რუსთავში რუსთაველის ქუჩაზე პარტია „ქართულმა ოცნებამ“ ამომრჩეველთან შეხვედრა გამართა და მაჟორიტარობის კანდიდატები წარადგინა.

 

სცენის უკან მდგარ მანქანების კოლონაში humanrights.ge-მ რუსთავის საკრებულოს თავმჯდომარის, დავით მაღლაკელიძისსამსახურეობრივი ავტომობილი, ნომრებით RST 041 შენიშნა. გადაღების მომენტში კადრში მოხვდა თავად საკრებულოს თავმჯდომარე. თუმცა, ჩვენ არ შეგვინიშნავს ავტომობილიდან მისი გადმოსვლის ფაქტი, რადგან გადაღების დაწყებისას მანქანაში არავინ იჯდა. 

როგორ აღმოჩნდა რუსთავის საკრებულოს თავმჯდომარის სამსახურეობრივი ავტომობილი „ოცნების“ პარტიულ აქციაზე? ამ კითხვაზე დავით მაღლაკელიძე აცხადებს, რომ პარტიულ ღონისძიებაზე თვითმმართველობის ავტომობილის მიყვანა, მისი მძღოლის პირადი გადაწყვეტილება იყო.

სამირა ისმაილოვა: ბოლნისში, ადგილობრივ დონეზე, 2012 წლის შემდეგ არცერთი პროექტი არ განხორციელებულა

“ერთიანმა ნაციონალურმა მოძრაობამ” ბოლნისის მაჟორიტარობის კანდიდატად სამირა ისმაილოვა წარადგინა. მოსახლეობასთან შეხვედრისას, ისმაილოვამ შემდეგი განცხადება გააკეთა: “ადგილობრივ დონეზე, 2012 წლის შემდეგ, არცერთი პროექტი არ განხორციელებულა”.

ფაქტ-მეტრი ამ განცხადებით დაინტერესდა და მისი სიზუსტე გადაამოწმა.

სხვადასხვა უწყებიდან მიღებული ინფორმაციით, ბოლნისის მუნიციპალიტეტში როგორც ადგილობრივი, ისე ცენტრალური ბიუჯეტის დაფინანსებით, 2012 წლიდან დღემდე არაერთი პროექტი განხორციელდა. მაგალითად, მხოლოდ 2016 წელს შესრულებული და მიმდინარე პროექტების ნაწილი ასე გამოიყურება: საბავშვო ბაღებისრეაბილიტაცია, გზების მოასფალტება და საკანალიზაციო/სანიაღვრე სისტემების მოწესრიგება. ასევე, აღსანიშნავია დაბა კაზრეთში სოციალურად დაუცველთათვის მრავალბინიანი სახლის მოწყობა, რისთვისაც ადგილობრივი ბიუჯეტიდან 305 748 ლარი დაიხარჯა.

დავით კირკიტაძე: რუსთავის ხელმძღვანელობამ ველოტრასების მშენებლობა შეაჩერა

“ერთიანი ნაციონალური მოძრაობის” რუსთავის მაჟორიტარობის კანდიდატმა დავით კირკიტაძემ წინასაარჩევნო ვიდეო რგოლში რუსთავში ველოგზების მშენებლობის შეჩერებაზე ისაუბრა და განაცხადა: “რუსთავს აქვს ძალიან დიდი პოტენციალი იმისა, რომ ველოსიპედი გახდეს ერთ-ერთი ყველაზე პოპულარული ტრანსპორტი ქალაქში. სამწუხაროა, რომ რუსთავის ხელმძღვანელობამ ყველაფერთან ერთად ველოტრასების მშენებლობაც შეაჩერა”.

ფაქტ-მეტრმა აღნიშნული განცხადების სიზუსტე გადაამოწმა.

რუსთავის მერიის ინფორმაციით, ველოგზების მოწყობა ამჟამად მესხიშვილის ქუჩის და მეგობრობის გამზირის #1 და #2 კორპუსებთან მიმდინარეობს. თუმცა, საპროექტო ხელშეკრულების მიხედვით, მეგობრობის გამზირის ორ მონაკვეთზე მხოლოდ გაზონების და ტროტუარების მოწყობა, მესხიშვილის ქუჩაზე კი (ხელშეკრულების მიხედვით) – ბეტონის საფარის რეაბილიტაცია, საპარკინგე ადგილის მოწყობა და ტროტუარების რეაბილიტაცია იგეგმება. შესაბამის ხელშეკრულებებში, შესასრულებელ სამუშაოებს შორის ველოგზების მოწყობა მითითებული არ არის.

მამუკა ჩიქოვანი: რუსთავში, ხალხის საკუთრებაში არსებული სპორტული მოედნის დემონტაჟი პირადი მიზნებისთვის ხდება

“ნაციონალური მოძრაობის” რუსთავის მაჟორიტარობის კანდიდატმა მამუკა ჩიქოვანმა რუსთავში, თოდრიას და ქუჩიშვილის ქუჩების მიმდებარე ტერიტორიაზე საფეხბურთო მოედნის დემონტაჟი გააპროტესტა. ადგილზე მისულმა ჩიქოვანმა ჟურნალისტებს განუცხადა: “ეს სტადიონი იყო ირგვლივ მაცხოვრებლების მოთხოვნის შედეგად აშენებული და, შესაბამისად, არავის მივცემთ საშუალებას, რომ ეს თავისი პირადი მიზნებისთვის იქნეს გამოყენებული. ეს არის ხალხის საკუთრება. სამწუხაროდ, ხელისუფლება არ ზრუნავს, საერთოდ არ ითვალისწინებს ხალხის სურვილებს, ხალხის მოთხოვნებს. ერთადერთი, ის დაკავებულია თავისი პირადი კომფორტის უზრუნველყოფით და მხოლოდ იმაზე ფიქრობს, რა მიიტანოს სახლში”.

ფაქტ-მეტრმა ამ განცხადების სიზუსტე გადაამოწმა.

ბესიკ წიკლაური: თეთრიწყაროში დიდგორის ქუჩაზე მდებარე სტადიონის რეაბილიტაცია განხორციელდა

26 ივნისს, 2015 წლის ანგარიშის წარდგენისას, თეთრიწყაროს გამგებელმა ბესიკ წიკლაურმა განაცხადა: “თეთრიწყაროში დიდგორის ქუჩაზე არსებული სტადიონის სარეაბილიტაციო სამუშაოები განხორციელდა. ასევე, სტადიონის მიმდებარე ტერიტორიაზე გარე განათება მოეწყო. პროექტის ღირებულებამ 27 336 ლარი შეადგინა”.

ფაქტ-მეტრმა ამ განცხადების სიზუსტე გადაამოწმა.

მუნიციპალიტეტიდან აღნიშნულ საკითხზე გამოთხოვილი დოკუმენტაციის თანახმად, სამუშაოები შპს “თეგმა” შეასრულა. ლევან სამხარაულის სახელობის სასამართლო ექსპერტიზის ეროვნული ბიუროს დასკვნის მიხედვით, შესყიდვით აღებული ვალდებულებები შესრულდა. კერძოდ, განხორციელდა: დამცავი ღობეების მოწყობა-რეაბილიტაცია, ხელოვნური საფარის მოწყობა, სკამების წინ დამცავი მცირე ღობის რეაბილიტაცია, ფოლადის მილების, ელექტროგაყვანილობის და პროჟექტორების მონტაჟი.

ზვიად ძიძიგური: რუსთავი ქალაქის დატბორვასთან დაკავშირებული სერიოზული პრობლემა რუსთავს მოშორდება

გასული წლის მარტში, რუსთავში სანიაღვრე სისტემების მოსაწესრიგებლად მილიონ ლარამდე ღირებულების ოთხი პროექტის პრეზენტაცია გაიმართა. მაშინ, რუსთავის ადგილობრივი ხელისუფლება და მთავრობის წარმომადგენლები აცხადებდნენ, რომ რუსთავს ამ კუთხით პრობლემები მოეხსნებოდა. ამ თემაზე მედიასთან კომენტარი რუსთავის მაჟორიტარმა დეპუტატმა ზვიად ძიძიგურმაც გააკეთა: “ვფიქრობ, რომ ძალიან მალე დაინახავენ რუსთაველები, რომ ეს პრობლემა, რომელიც იყო ყველა ავდრის პირობებში, მართლა სერიოზული პრობლემა, რუსთავს მოშორდება”.

ფაქტ-მეტრმა გადაამოწმა, შესრულდა თუ არა ეს პირობა გასული ერთი წლის მანძილზე.

მიუხედავად იმისა, რომ სანიაღვრე სისტემების მოსაწესრიგებლად რუსთავში თითქმის მილიონამდე ლარი დაიხარჯა, 2016 წლის 4 ივნისს მოსულმა უხვმა ნალექმა რუსთავის მე-7 მიკრორაიონი დატბორა (იხ. ბმული). კონკრეტულად კი, პრობლემები სწორედ იმ მონაკვეთში შეიქმნა, სადაც ზემოხსენებული პოექტებიდან ყველაზე ძვირადღირებული – 449 ათას ლარიანი პროექტი განხორციელდა.

დავით კირკიტაძე: რუსთავის მერია 8 მლნ ლარს ხარჯავს 15 სახლის ფასადის და ერთი ქუჩის რეაბილიტაციაში, მაშინ, როცა ქალაქში უამრავი უსახლკაროა

9 ივლისს “ერთიანმა ნაციონალურმა მოძრაობამ” რუსთავის მაჟორიტარობის კანდიდატები წარადგინა. მაჟორიტარობის ერთ-ერთ კანდიდატად დავით კირკიტაძე დასახელდა. ამავე შეხვედარზე კირკიტაძემ მოსახლეობას მიმართა. მისი თქმით, მაშინ, როდესაც რუსთაველების არცთუ მცირე ნაწილს თავშესაფრის პრობლემა აწუხებს, რუსთავის მერია სოლიდურ თანხას მხოლოდ კოსტავას ქუჩის რეაბილიტაციის პროექტში ხარჯავს.

ფაქტ-მეტრმა აღნიშნული განცხადების სიზუსტე გადაამოწმა.

ამ დროისთვის რუსთავში კოსტავას გამზირის ნაწილის რეაბილიტაცია მართლაც მიმდინარეობს. რუსთავის მერიის მიერ მოწოდებული დოკუმენტაციით, მიმდინარე წლის 4 აპრილს შპს “დაგთან” ხელშეკრულება დაიდო, რომელიც 19 შენობის ფასადის რეაბილიტაცია-მინათებების და კოსტავას გამზირის სრულად მოწყობას ითვალისწინებს. პროექტის ღირებულება 4 მლნ 448 ათასი ლარია. ამავე ხელშეკრულების თანახმად, პროექტისთვის გამოყოფილი თანხის 5%-ს (222 499 ლარი) ადგილობრივი ბიუჯეტი, დანარჩენ 95%-ს კი ცენტრალური ბიუჯეტი იხდის.

ქვემო ქართლი - „ქართულმა ოცნებამ“ ყოფილი „ნაციონალები“ მაჟორიტარობის კანდიდატებად წარადგინა - 04 აგვისტო 2016

"ქართულმა ოცნებამ" ქვემო ქართლში მაჟორიტარობის კანდიდატები წარადგინა. წალკასა და დმანისში პარტიამ მაჟორიტარობის კანდიდატად კახა ოქრიაშვილი დაასახელა. პრემიერმა მისი წარდგენისას განაცხადა, რომ ოქრიაშვილი პარლამენტის დეპუტატია, თუმცა საკითხი არ განავრცო და არ ახსენა, რომ ოქრიაშვილი 2012 წელს პარლამენტში აღმოჩნდა, როგორც „ნაციონალური მოძრაობის" მაჟორიტარი, დმანისის რაიონიდან. მოგვიანებით ოქრიაშვილმა ოპოზიციაში ყოფნას დამოუკიდებელი დეპუტატობა არჩია და „ნაციონალური მოძრაობა" დატოვა.

მარნეულის გამგებელი შესრულებულ პროექტებზე და მუნიციპალიტეტში დაგეგმილ სიახლეებზე საუბრობს

კითხვებს მარნეულის გამგებელი მერაბ თოფჩიშვილი პასუხობს. ვრცელი ინტერვიუ მუნიციპალიტეტში შესრულებულ პროექტებს და იმ სირთულეებს ეხება, რომელთა დაძლევასაც ადგილობრივი ხელისუფლება წელს გეგმავს.  

თქვენი გამგებლად არჩევის შემდეგ, რომელი მასშტაბური პროექტები განხორციელდა მარნეულის მუნიციპალიტეტში?

 მოგეხსენებათ, რომ მარნეულის მოსახლეობის წინაშე,  წლების განმავლობაში მწვავე პრობლემას სასმელი წყლის უქონლობა წარმოადგენდა. ამ მიმართულებით  ჩვენ გუნდს, მძიმე მემკვიდრეობა დახვდა. სასმელი წყლით მოსახლეობის დაკმაყოფილება   გასული  სამი წლის  წინანდელი მდგომარეობით  10%-ს არ აღემატებოდა. ამ ეტაპისთვის  სასმელი წყლით უზრუნველყოფა მოხდა  მოსახლეობის 85%-90% -ით, ამისთვის კი საკმაოდ მასშტაბური პროექტები განხორციელდა. მაგალითად 2013 წელს - სასმელ წყალს რეაბილიტაცია ჩაუტარდა 28 სოფელში; 2014  წლის მონაცემებით, სასმელი წყლის ქსელების რეაბილიტაცია  40 სოფელში განხორციელდა და ანალოგიური სამუშაოები განხორციელდა  2015 წელს. (როგორიცაა ჭაბურღილის მოწყობა, წყლის საქაჩი ტუმბოების მონტაჟი, სისიტემის რეაბილიტაცია, რეზერვუარების მონტაჟი, მილგაყვანილობის მოწყობა და ა.შ)