პოლიცია მედიატორის როლში - გარდაბნის რაიონულ სამმართველოში სოფელ გამარჯვების მოსახლეობა გამგებელს შეახვედრეს

kkpress.ge

გარდაბნის რაიონ სოფელ გამარჯვებას  მესამე თვეა ბუნებრივი აირი არ აქვს.  სოფლის მოსახლეობის თქმით, მათ ბუნებრივი აირი არჩევნების შემდეგ არ მიეწოდებათ.

გამარჯვების მაცხოვრებლებმა, ყურადღების მისაქცევად,  გასულ კვირას ცენტრალური სატრანსპორტო მაგისტრალი გადაკეტეს. საქმეში მალევე, გარდაბნის პოლიცია ჩაერია და აქციის მონაწილეებს დაშლის შემთხვევაში გარდაბნის გამგებელთან შუამდგომლობას და საქმის დაჩქარებას დაჰპირდათ.

გარდაბნის პოლიციის უფროსმა, დავით ქოიავამ დღეს  გამარჯვების მაცხოვრებლები და გამგებელი  რაიონულ სამმართველოში შეახვედრა. ,, შეხვედრა შედეგიანი იყო. გამგებელმა თქვა, რომ საკითხი ამ დღეეში გადაწყდება. მას შემდეგ რაც სოფელში არსებული ბუნებრივი აირის მილები გამგეობის საკუთრება გახდება, გამოცხადდება ტენდეი.  გამარჯვებული კომპანია კი უზრუნველყოფს სოფლის გაზიპიცირებას", - საუბრობს, გამარჯვების მკვიდრი, ინგა ხაჭვანი. 

მისი თქმით, სამწუხაროა ის ფაქტი, რომ სოფლის პრობლემით სამი თვის განმავლობაში სათანადოდო გამგეობა არ დაინტერესებულა. ხაჭვანი ამბობს, რომ გამგეობაში მათი ყოველი მისვლა უშედეგოდ სრუდებოდა და სწორედ, ამიტომ გადაწყვიტა სოფელმა გზის გადაკეტვა. 

თავად გარდაბნის გამგებელი კი აცხადებს, რომ უკვე დიდი ხანია ამ პრობლემაზე მუშაობს. ,, ჩვენ ეს პროცედურები დიდი ხანია დავიწყეთ. საკითხი სამართლებრივ ჩარჩოებში არის მოქცეული. სოფელში გამავალ ბუნებრივი აირის მილებთან დაკავშირებით, საჯარო რესსტრის ამონაწერის მომზადებისთანავე,  აუქციონი გამოცხადდება. გამარჯვებული კომპანია მიაწვდის გაზს გამარჯვებას", - ამბობს, გარდაბნის გამგებელი, ზვიად ეპიტაშვილი. 

სოფელ გამარჯვების მოსახლეობა ასევე, დაინტერესებულია გაირკვეს, თუ  რაში დაიხარჯა მათი ორი თვის განმავლობაში გადახდილი ბუნებრივი აირის საფასური. კოპანია, რომელიც სოფელში აღნიშნულ საქმიანობას ეწეოდა შპს ,,ნასა+"-ია.

არაოფიციალური ინფორმაციით, აღნიშნული შპს-ს წარმომდგენლები გაქცეულები არიან.

kkpress.ge მასალის გამოყენება შეგიძლიათ, მხოლოდ, საიტის მითითებით