,, რუსთავის განახევრებულ ბიუჯეტს გაგებით ვერ მოვეკიდები“ - კირკიტაძე

KKPRESS.GE

დღეს, ქვემო ქართლის გუბერნატორის სამხარეო ადმინისტრაციაში ჟურნალისტებისთვის საგანგებო ბრიფინგი გაიმართა. რეგიონის გუბერნატორის და რუსთავის  საკრებულოს წევრების საუბრის მთავრი თემა, ქალაქის ახალი ბიუჯეტი იყო.

,, წელს რუსთავის ბიუჯტმა 25 მილიონი ლარი შეადგინა, რაც გასულ წელთან შედარებით 50%-ით ნაკლებია. ვისაც ამ საკითხში ეჭვი ეპარება შეუძლია დოკუმენტალურად ნახოს ყველა ეს ციფრი. 

აღნიშნული ფაქტი  ნათლად მეტყველებს იმაზე, რომ ქვეყანაში შექმნილია   საბიუჯეტო კრიზისი,  ან დაიწყო ახალი ხელისუფლების მხრიდან რუსთავის წინააღმდეგ მიზანმიმართული ბრძოლა. სწორედ, ამის გამო შეჩერდა რუსთავის სასიცოცხლოდ მნიშვნელოვანი პროექტები; როგორიცაა: ლიფტების, შიდა გზების, სახურავების, კულტურისა და დასვენების პარკის, სპორტის სასახლის, კულტურის სახლის და საბავშო ბაღების მშენებლობა-რეაბილიტაცია", - საუბრობდა, რეგიონის გუბრნატორი, დავით კირკიტაძე.

ჩამოთვლილ პროექტებს შორის მოხსიენებული სპორტის სასახლე და კულტურის პარკის მშენებლობა -რეაბილიტაცია,  გასულ წელს,  პრეზიდენტის ფონდიდან გამოყოფილი თანხებით დაუწყო. კირკიტაძე ამბობს, რომ პრეზიდენტს წელს სარეზერვო ფონდი შეუმცირეს და პროექტების გაგრძელების საშუალება არ აქვს.

 ,, იმის გასარკვევად რა ბედი ეწევა ამ პროექტებს წერილობით მივართეთ პრემიერ-მინისტრს, თუმცა პასუხი  არ მიგვიღია. ასეე, რომ ჩვენ რუსთავის განახევრებულ ბიუჯეტს  გაგებით ვერ მოვიკიდებით, ვიმართავთ სხვადასხვა ღონისძიებებს", - დასძენს კირკიტაძე.

პრემიერთან და ფინანსთა სამინისტროსთან კომუნიკაციის ნაკლებობაზე საუბრობს რუსთავის  საკრებულოს თავჯდომარის მოადგილე, კახა ბარათაშვილი. მისი თქმით, შეჩერებულ მაშტაბურ პროექტებთან დაკავშირებით მათთვის ახალი ინფორამციის მიღება  აუცილებელია.

,,ჩვენ ცალკე წერილით არ მიგვიმართავს ბატონი ბიძინასთვის,  მაგრამ გუბერნატრმა მიმართა და არ ჩავთვალეთ საჭიროდ მისთვის იგივე შინაარსის სხვა წერილი გაგვეგზავნა.  ქალაქისთვის აუცილებელია ცოდნა იმასა, თუ რა ბედი ეწევა ამ პროექტებს. ჩვენ ახლა არ ვიცით როდის უნდა გამოვაცხადოთ  მათთვის ტენდერები და რა ვქნათ.  რუსთავის მცირე  ბიუჯეტის  გამო კი, ცხადია, ადგიულობრივ პატარა პროქეტებსაც ეშლებათ ხელი. საუბარი მაქვს შიდა გზების და ლიფტების რეაბილიტაციაზე.  ასეთი ბიუჯეტის პირობებში ჩვენ მივიღეთ საზოგადოების, მათ შორის ,,რუსთავის საზოგადოებრივი დარბაზის" რჩევები და თანხები, ძირითადად, სოციალურ საკითხებზე მივმართეთ.  იმედს  ვიტოვებ, რომ  ეს ბრიფინგი  პრევენციული ხასიათის იქნება და მალე, დაიწყება საქმიანი ურთიერთობასა ჩვენსა და ახალ ხელისუფლებას შორის", - საუბრობდა ბარათაშვილი.

მედიასთან შეხვედრის ბოლოს გუბერნატორის მოადგილე, მამუკა ჩიქოვანმა განაცხადა, რომ არ გამორიცხავს ახალი ხელსუფლების წინააღმდეგ აქციების გამართვას.

 

KKPRESS.GE  მასალის გამოყენება შეგიძლიათ, მხოლოდ, საიტის მითითებით