,,გარდაბნელ ახალგაზრდათა ცენტრმა“ ინტეგრაციის თემაზე შეხვედრა გამართა

KKPRESS.GE

ააიპი ,,გარდაბნელ ახალგაზრდათა ცენტრმა" ინტეგრაციის საკითხებთან დაკავშირებით შეხვდრა გამართა. ქართველი და აზერბაიჯანელი ახალგაზრდების დაახლოების გზებზე ორგანიზაციის ხელმძღვანელმა და მოწვეულმა სტუმარმა, ყოფილმა თავდაცვის მინისტრმა ფილოსოფოსმა, დავით თევზაძემ იმსჯელეს.

ორგანიზაციის აზრით ინტეგრაციის კუთხით პრობლემებს სახელმწიფო ენის არ ცოდნა ქმნის, ასევე ნაკლებია ურთიერთობა ქართველ და აზერბაიჯანელ ახალგაზრდებს შორის.  ,,გარდაბნელ ახალგაზრდათა ცენტრი"  ინიციატივით გამოდის ჩატარდეს სხვადასხვა კულტურული ღონისძიებების ქართულ და აზერბაიჯანულ სკოლებს შორის. ასევე, გამოინახოს სხვა  გზები, რათა მოხდეს ახალგაზრდების დაახლოება.

,, ჩვენი ორგანიზაცია სხვადასხვა მიმართულებებით მუშაობს. ერთ-ერთი არის ინტეგრაციის საკითხი. ვცდილობთ მოვძებნოთ დაახლოების გზები, რაც ხელს შეუწყობს ამ პროცესს", - საუბრობდა ,,გარდაბნელ ახალგაზრდათა ცენტრი"-ს ხელმძღვანელი, მაგამედ სარიევი.

მისგან განსხვავებით მოწვეული სტუმრის, დავით თევზაძის საუბრის თემა ინტეგრაციის საკითხებს გასცდა და ქვეყნის უსაფრთხოების პრობლემებიც მოიცვა.

თევზაძემ მოხსენებისას ე.წ პენტაგონის სამუშაო რუკები გააცნო საზოგადოებას, სადაც უსაფრთხოების და ეკონომიკური სიძლიერის მიხედვით იყო დაყოფილი  ქვეყნები. ,,მშვინოდიანი" კავკასია -  ასეთი სათაურით დაიწყო მისი მოხსენება. მოგვიანებით თევზაძემ ახსნა, რომ მხოლოდ პირობითად შეიძლება ეწოდოს კავკასიას მშვიდობიანი, რეალურად კი კავკასიაში ბევრი ისეთი პროცესი მიდის, რის გამოც საქართველოც და მისი მეზობლებიც მუდმივი საფრთხის წინაშე დგანან.

,, 2008 წლის ომმა  აჩვენა, რომ მსოფლიო თანამეგობრობის მიერ აღიარებული ქვეყნების საზღვრები სულაც არ არის ხელშეუხებელი. ომმა  აჩვენა, რომ რუსეთი არის სახელმწიფო, რომელიც არ სცონს კავკასიაში საზღვრებს. მან ამ ომით ყველას უთხრა, რომ კავკასიაში მისთვის საზღვრები არ არსებობს", - საუბრობდა თევზაძე.

მისი თქმით, საქართველოს  აქვს სამი გაყინული კონფლიქტი, რომელიც რა წუთს გახდება ქვეყნისთვის ყველაზე ცხელი წერტილი არავინ იცის.

თევზაძის მოსაზრებით ინტეგრაციის კუთხით კი სამუშაო ხელისუფლებას აქვს.

,, ყველა ის პრობლემები  რაც  არსებობს ამ მხრივ სახემწიფომ უნდა დააბალანსოსო.  როგორც წესი ამ საკითხებს ბრძენი სახელმწიფო მოხელეები ადევნებენ თვალყურს", - საუბრობდა, ყოფილი თავდაცვის მინისტრი.

მისი თქმით, მასშტაბური პრობლემების მოგვარება კი მხოლოდ, მაშინ დაიწყება, როცა კავკასიის ერთიანობის იდეას საქართველო, აზერბაიჯანი და სომხეთი გაიაზრებს.

KKPRESS.GE  მასალის გამოყენება შეგიძლიათ, მხოლოდ, საიტის მითითებით