პრეზიდენტის რუსთავში სტუმრობის გაუხმაურებელი ,, დეტალი“

KKPRESS.GE

გასულ კვირას პრეზიდენტი რუსთავს სტუმრობდა. მან მხარის გუბერნატორ, დავით კირკიტაძესთან ერთად რუსთველი ასანიძეების ექვსსულიანი ოჯახი მოინახულა. კონკრეტულად კი სააკაშვილი ასანიძეებისთვის შეწყვეტილი სოციალური დახმარების პრობლემას გამოეხმაურა.

პრეზიდენტის სტუმრობასთან დაკავშირებით მედიით მომზადებულ სიუჯეტებში არა ერთხელ გაჟღერდა ინფორმაცია  იმის თაობაზე, რომ ასანიძეებს  სოციალური დახმრება  ოჯახის უფროსის ერთჯერადად გამომუშავებული  220 ლარის გამო მოუხსნეს. თუმცა, არავის უთქვამს, რომ ამავე ასანიძეებს გასულ წელს სოციალური დახმარება, მათ ეზოში მდგარი, დაშლილი ,,ვოლგის" გამო  სააკაშვილის მთავრობის პერიოდშიც შეუწყვიტეს.

,, მინდა მივმართო საქართველოს მათვრობას, რომელიც ასეთი ადამიანების დახმარების ლოზუნგით მოვიდა. ამბობდნენ თანხები გზატკეცილების მშენობლობაში იხარჯება და არა ამ ადამიანებისთვის-ო, ახლა კი რა გვაქვს, არც გზატკეცილია და არც სოციალური დახმარება. ეს არის კონკრეტული ოჯახი და არა პროპაგანდა. ის დახმრება, რომელსაც ეს ოჯახი იღებდა მიზერულია, თუმცა ამის წართმევაც ყველა საზღვარს სცილდება", - აცხადებდა ასანიძეებთან სტუმრად მყოფი პრეზიდენტი.

ის, რომ აღნიშნულ ოჯახს ხელისუფლებისგან დახმარება სჭირდება ამაში თავადაც ვრწმინდებით. ექვსსულიანი ოჯახი შეშის ფეჩით თბება, საწოლზე კი ცერემბრალური დამბლით დაავადებულ ბავშვს სძინავს, ოჯახის წევრები გვიხსნიან, რომ დიასახლისი ფულის სასესხებლად გავიდა, რათა ბავშვებს რამე საჭმელი მოუმზადოს. ,, ჩვენ მადლობელი ვართ პრეზიდენტის, რომელიც გვესტუმრა და გულთან ახლოს მიიტანა ჩვენი პრობლემა. იმედი გვაქვს, რომ დაგვეხმარებიან. ჩვენ ოჯახზე კი შემიძლია გითხრათ, რომ წლებია ბავშვისთვის ტანსაცმელიც არ გვიყიდია და მეზობლების მოწოდებული სამოსით დადიან", - საუბრობს, დარეჯან ლომიძე.

ოჯახის უფროსი, კახა ასანიძე კი ამბობს, რომ არავისი დახმრება არ სჭირდება და ოჯახს საკუთარი შრომით არჩენს, თუ სახელმწიფო სამსახურის შოვნაში დაეხმარება. ,, ყველასი მადლობელი ვარ ვინც ჩემი ოჯახის მიმართ  ყურადღება გამოიჩინა. მე არა ერთხელ ვცადე სხვადასხვა ადგილებში მუშაობის დაწყება, მაგრამ მიუხედავად იმისა, რომ შრომის მოყვარე ადამიანი ვარ არავინ მასაქმებს", - ამბობს, კახა ასანიძე.

მასთან საუბარში ვიგებთ, რომ სოციალური დახმრება ოჯახს გასულ წელსაც შეუწყვიტეს. ,, ჩემმა ახლობელმა ჩააყენა ჩვენ ეზოში ,,ტრიცად ადინი", ბავშვმა კი შემთხვევით მანქანის საბუთი დახია. მართალია,  მანქანა ძველი და დაშლილია, მაგრამ როცა სოციალური აგენტი მოვიდა ეს მანქანა ქონებაში ჩაგვითვალა და დახმარება შეწყდა. მერე კი აღვადგინეთ, მაგრამ ისევე განვიცადეთ, როგორც ახლა", - დასძენს, ასანიძე.

თემაზე კომენატარისთვის რუსთავის საკრებულოს ,,ქრისტიან-დემოკრატ" წევრს, ალექსანდრე ახვლედიანს დაუკავშირდა. რესპოდენტად არჩევანს მასზე ვაკეთებთ, რადგან ახვლედიანს მოსახლეობასთან გასულ წლებშიც  აქტიური  შეხვედრები ჰქონდა.

ასანიძეებთან დაკავშირებით მას არ ვუხსნით, რომ ოჯახი სოციალური დახმარების შეწყვეტის პრობლემის წინაშე გასული მთავრობის დროსაც დადგა.

,, 2010 წლიდავ ვარ საკრებულოს წევრი. ამ დროის განმავლობაში თითქმის ყიველდღე ვხვდები, ან ჩემთან მოდიან სოციალურად დაუცველი ოჯახები. ასობით შემთხვევა იყო გასულ წლებში, როდესაც უსამართლოდ  შეუწყვიტეს ოჯახებს სოციალური დახმრება. ამ რეალობის ფონზე კი პარასკევს ჩამოვიდა ჩვენთან პრეზიდენტი და ჩვენი სახეშეწუხებული გუბერნატორი და აცხადებდნენ - არიქა რას გვიშვება ეს მთავრობა-ო. უკაცრავად, მაგრამ გასულ წლებში მსგავი ფაქტები არ გსმენიათ ?!

ერთ პენსიონერ კაცს ვიცნობ, რომელსაც შვილიშვილების ნაჩუქარი კომპიუტერის მონიტორის გამო მოუხსნეს დახმრება. აღმოჩნდა, რომ აგენტმა მონიტორი იმ საწყალს პლაზმურ ტელვიზორად ჩაუწერა", - საუბრობს, რუსთავის საკრებულოს წევრი, ალექსანდრე ახვლედიანი.

მისი თქმით, ახალმა მთავრობამ უნდა გაითვალისწინოს აღნიშნულ სისიტემაში არსებული ხარვეზები, თუმცა ამ საკითხზე ხელისუფლების  კრიტიკის მორალური უფლება ნაკლებად აქვს ძველ მთავრობას, რადგან არსებული არაეფექტური სოციალური დაცვის სისტემა მათ თავად შექმნეს.

 

kkpress.ge მასალის გამოყენება შეგიძლიათ, მხოლოდ, საიტის მითითებით