პასუხი გუბერნატორს და ,,ჩანერგილების“ კვლავ აქტუალური თემა

KKPRESS.GE

,,რუსთავის საზოგადოებრივი დარბაზი"  რეგიონის გუბერნატორის ინიციატივას გამოეხმაურა.  შეგახსენებთ, რომ რამდენიმე დღის წინ ქვემო ქართლის გუბერნატორმა, დავით კირკიტაძემ 20 000 რუსთაველის ხელმოწერა შეაგროვა. 

,, ჩვენ მივესალმებით იმ ფაქტს, რომ სოფლად მცხოვრებ მოსახლეობას მთავრობა ეხმარება, თუმცა დახმარება სჭირდება ქალაქში მცხოვრებ  რუსთაველებსაც. შესაბამისად, მთავრობა 300 ლარით რუსთაველ ოჯახებსაც უნდა დაეხმაროს. ჩვენ ამ თხოვნით ხელმოწერების შეგრივებას  ვიწყებთ", - საუბრობდა გუბერნატორი. აღნიშნული ინიციატივას სათავეში კორპუსის  მამასახლისები ჩაუდგნენ და ერთ კვირაში 20 000  ხელმოწერა შეგროვდა.

რუსთავის საზოგადოებრივი დარბაზის აზრით კი აღნიშნული ინიციატივა არის საზოგდოების შეცდომაში შეყვანა. დარბაზის ხელმძღვანელის, გოგიტა მელიქიძის თქმით, კირკიტაძე ცდილობს უკმაყოფილება დათესოსო მოსახლეობაში, რადგან ხალხი ჰყავს მოსაგროვებელი  ,,ორი თვით ადრე დაანონსებული" აქციისთვის.

,, სოფლის მოსახლეობისთვის გამოყოფილი 300 ლარიანი დახმარება ეს იყო მიზანმიმართული პროგრამა, რათა სოფლად მაცხოვრებელს მიწის დამუშავების საშუალება ჰქონოდა. ასეთი  მიზნობრიოდა არ ჩანს ქალაქის  შემთხვევაში.

ჩვენ ვთვლით, რომ გუბერნატორის მიერ ხელმოწერების შეგროვება არის მიზანმიმართული კამპანია იმისთვის, რომ საზოგადოება უარყოფითად განაწყოს არსებული ხელისუფლების მიმართ", - აცხადებდა, მელიქიძე.

რუსთავის საზოგოებრივი დარბაზის სხდომას ,,დემოკრატიული ჩართულობის ცენტრში" კოალიცია ,,ქართულ ოცნებაში" შემავალი სხვადასხვა პარტიები ესწრებოდნენ. მათი ნაწილი აცხადებდა, რომ სურს კირკიტაძის ინიციატივაზე ხელმომწერთა სიები საჯარო გახდეს, თუმცა ამ მოსაზრებას მალევე ოპონენტი გამოუჩნდა. ,,   რათ გვინა ეს სიები?! იმისთვის რომ შემდეგ ჩამოვუაროთ ამ ხალხს  და ჩვენც ისევე მოვიქცეთ, როგორც ნაციონალები იქცეოდნენ?! ", - კითხულობდა შეხვედრის ერთ-ერთი მონაწილე.

თემაზე საკუთარი მოსაზრება  ,, ქართული ოცნების" რუსთავის ორგანიზაციის წარმომადგენელმა, ელზე ლეკვეიშვილმა დააფიქსირა. ლეკვეიშვილის თქმით,  გუბერნატორის ინიციატივაზე გამოხმაურება, ცოტა დაგვიანებული ეჩვენება. აცხადებდა, რომ მას მხოლოდ ერთი კითხვა აქვს დავით კირკიტაძესთან.  

,, როდესაც ცხრა წლის განმავლობაში გუბერნატორი ჩვენი მოედნის მსგავს სხვადასხვა პროექტებს აკეთებდა, რომელიც არავის არაფერში სჭირდება, მაშინ არ ახსოვდა გაჭირვებული მოსახლეობა?! ", - კითხულობდა ლეკვეიშვილი.

მშვიდი შეხვედრა, სწორედ, ამ განცახდების შემდეგ გადაიზარდა ხმაურში. შეხვედრაზე მოსული მამაკაცი  ლეკვეიშვილის განცხადებას გამოეხმაურა და მის მიმართ საკუთარი ბრალდებები გაახმოვანა. მისი თქმით, ის არის ,,ოცნების" მე-9 ზონის კოორდინატორი, გივი ცაბუტაშვილი. ,, მე მოვუგე ნაციონალებს, სწორედ იმ უბანში სადაც მამუკა ჩიქოვანი ცხოვრობს. კაცს საკუთარ უბანში მოვუგე არჩევნები და მე ვარ ჩანერგილი?!  ლეკვეიშვილმა ინტერვიუ მისცა ,,ალიას" და იქ წერს, რომ მე ვარ კირკიტაძის ჩანერგილი და თურმე ამასთან ერთად მე განვკარგავ მის ქონებას", - საუბრობდა, ცაბუტაშვილი.

ამ ინიციდენტის შემდეგ მოკამათე მხარემ დარბაზი  დატოვა და შეხვედრა გაგრძელდა. საბოლოოდ ,,რუსთავის საზოგადოებრივმა დარბაზმა"  გუბერნატორის საპასუხოდ ერთობლივი წერილის მომზადება და საზოგადოებისთვის გაცნობა გადაწყვიტა.

 

kkpress.ge მასალის გამოყენება შეგიძლიათ, მხოლოდ, საიტის მითითებით