გარდაბანში ,, ნოვრუზ ბაირამი” აღნიშნეს

KKPRESS.GE

ტრადიციისამებრ  ნოვრუზ ბაირამის აღნიშნვა სამ დღეს გაგრძელდა. მარნეულის შემდეგ საზეიმო ღონისძიებები გარდაბნის რაიონშიც გაიმართა. რაიონის კულტურის ცენტრში მოსახლეობას დღესასწაული კონცერტით ადგილობრივმა ანსამბლებმა და მომღერლებმა მიულოცეს. 

მილოცვას შეუერთდა გარდაბნის ახლად არჩეული გამგებლის მოვალეობის შემსრულებელი, გელა ხუციშვილი და საკრებულოს თავჯდომარე, ზაზა ონიანი. 

დღესასწაულზე მუსიკალური ნომერი გაზაფხულის სიმბოლომ ,,გაზაფხულის გოგომ" - აისე მამედოვამ შეასრულა. ,, ჩვენ ყველაზე მეტად აისე მოგვეწონა. დიდი პატივია, როცა გაზაფხულის გოგო ხარ. როგორც წესი, ყოველთვის ვირჩევთ ყველაზე ლამაზ გოგოს" , - საუბრობდა ადგილობრივი, ნარგიზ ემინაზაროვა.

,, გაზაფხულის გოგო " ყოველ ნოვრიზ ბაირამზე ხონჩით (კალათი ტკბილეულით სავსე) მოივლის ცენტრალურ ქუჩას და ბარაქიან წელს უსურვებს მოსახლეობას. 

ნოვრუზ ბაირამი ყოველწელს აღინიშნება ქვემო ქართლის რაიონებში. იმართება საზეიმო ღონისძიებები. ნოვრუზი - სპარსული სიტყვაა. მისი ერთი ნაწილი "ნოვ"- ახალს, ხოლო მეორე - "რუზ" დღეს ნიშნავს. ოდითგანვე 21 მარტს დღისა და ღამის გათანაბრების, ჰაერის გათბობის, თოვლის დნობის დაწყების, ხეებზე ყლორტის გამოსვლისა და დედამიწის გამოცოცხლების, ანუ სიციცხლის დაწყების დღედ მიიჩნევენ და შესაბამისად, ნოვრუზ ბაირამიც გაზაფხულის შემოსვლის, ზოგიერთ ქვეყანაში კი ახალი წლის დღესასწაულია.

 

kkpress.ge მასალის გამოყენება შეგიძლიათ, მხოლოდ, საიტის მითითებით