სამშვილდეში სარწყავი არხის მოწესრიგებას ითხოვენ

KKPRESS.GE

+ ფოტორეპორტაჟი

თეთრიწყაროს რაიონის სოფელ სამშვილდეს საამაყო წარსული და არაფრით გამორჩეული აწმყო აქვს. ისევე, როგორც ქვემო ქართლის სხვა სოფლებში აქაც, მიწის, უმუშევრობის და სამელიორაციო სისტემის პრობლემებზე საუბრობენ.

სოფელი, რომელიც ძვ.წ. მე-4 საუკუნეში ციხე-ქალაქს წარმოადგენდა, დღეს რაინულ ცენტრთან დამაკავშირებელი გზის მგომარეობაზე ჩივის და ამბობს, რომ ამ გზაზე თამამად მხოლოდ ცხენები და სახედრები მოძრაობენ - სამშვილდეში მიმავალ ტრასპორტს კი უჭირს ორმოებისთის გვერდის ავლა.

სამშვილდეში ამაყობენ ცეხე-ქალაქით, რომლის ნანგრევებიც  შემორჩენილია. მის სანახავად, ცნობისმოყვარე ადამიანებს სოფელში ხშირად მასპინძლობენ.  

,, აქ,  მთავარი პრობლემაა სარწყავი არხი. წყალდიდობის შემდეგ წყალმა მილები წაიღო და სოფელი სარწყავი არხის გარეშე დარჩა. ასევე, შესაცველელია ელექტროენერგიის მრიცხველები, უკვე დაძველდა და მათი სიძველის გამო სოფელში ყველა ოჯახს პობლემა აქვს", - საუბრობს, ადგილობრივი, რომან დანელიანი.

მისი თქმით, სოფელში დაახლოებით 200-მდე ოჯახი ცხოვრობს. მათი უმრავლესობა სომხურია და ქართულად შედარებით გამართულად ძირითადად, ახალგაზრდები საუბრობენ.

თუმცა სოფელში მუშაობისას სკოლის ასაკის ბავშვების ნაწილი კითხვაზე- რა გქვია?  გაოცების ნიშნად მხრებს იჩეჩავდა.  

,, რაინულ ცენტრთან არ ვართ  შორს, მაგრამ ამ გზის გამო გვიჭირს გადაადგილება. გზა დანგრეულია  ამიტომ ტაქსიც ძვირად დადის. სოფლის სტრანსპორტი  კი მაქსიმუმ  სამ რეისს  აკთებს, რაც არ არის საკმარისი. ვფიქრობთ, რომ ამ პრობლემის მოგვარება მთავრობისთვის დიდ სირთულეს არ წარმოადგენს", -  - ამბობენ სოფლის ცენტრში შეკრებილი ადგილობრივები.  

სამშვილდეში ახალ აშენებულ ეკლესიას გვაჩვენებენ და ამბობენ, რომ ის წმინდა სურფ ფრკიჩის სახელობისაა. ,, ჩვენი თანასოფლელი წავიდა რუსეთში, როგორც კი რაღაც საშუალება გაუჩნდა სოფელს ეს ეკლესია აუშენა,  რაც ძალიან გვეამაყება", - გვიხსნიან ადგილობრივები. თან გვახსენებენ, რომ სოფელში ქვეწარმავლების სიმრავლეა და ,,ზევით, ზევით ყურება"  შეიძლება უსიამოვნო შედეგით დასრულდეს..

p.s ფოტორეპორტაჟი იხილეთ kkpress.ge-ს facebook-ის გვერდზე.

kkpress.ge მასალის გამოყენება შეგიძლიათ, მხოლოდ, საიტის მითითებით