მეხანძრეები პოლიტიკური პარტიისგან ბოდიშის მოხდას ითხოვენ

17 აპრილს,  ტელეკომპანია მე-9 არხის  სიუჟეტში, ,,თავისუფალი დემოკრატების" რუსთავის  ორგანიზაციის ხელმძღვანელი, გოჩა ომაიძე კოალიციაში შემავალ პარტიებთან ერთად - საგანგებო განცხადებას აკთებდა. ომაიძე აღნიშნავდა, რომ ადგილობრივი თვითმმართველობა ზეწოლას ახდენს თანამშრომლებზე და თითოულ სამსახურს,  19 აპრილის აქციაზე 3-4 კაცის გაყვანს ავალებს. მისი განცხადებით,  ეს დავალება რუსთავის  მერის მოადგილე, შორენა გარდაფხაძისგან საკრებულოს აპარატის ხელმძღვანელმა, მაია დოლიძემ მიიღო და ახლა დავალებას პირნათლად ასრულებს. ამავე კონტექსტით  საუბრობდა  ომაიძე რუსთავის  სახანძრო სამსახურზეც.   ,, პირადა შევესწარი, თუ როგორ აბარებდა მას (მაია დილიძეს) პატაკს სახანძრო  სამსახურის უფროსი  და ეუბნებოდა, რომ აქციაზე სამსახურიდან 20 კაცს გაიყვანს", - საუბრობდა, გოჩა ომაიძე.

ქვემო ქართლის საინფორმაციო პორტალი დაინტერესდა  ხდება,  თუ არა  ზეწოლა რუსთაველ მეხანძრეებზე. დღეს, სახანძრო სამსახურში სტუმრობისას,  მეხანძრეები ერთხმად აღნიშნავდნენ, რომ ომაიძის განცახდებით გაოცებულები  და შეურაცხოფილები არიან.

,,ასეთი რამ არ მომხდარა, არც თხოვნით და არც მოთხოვნით. საუბარიც კი არ ყოფილა 19 აპრილს აქციაზე გასვლასთან დაკავშირებით. ამ განცახდებით,  ვართ  შეურაცყოფილები და ვითხოვთ ბოდიში მოიხადოს არასწორი ინფორმაციის გავრცელებისთვის ბატონმა გოჩა ომაიძემ", - საუბრობს, რუსთაველი მეხანძრე, თამახ კაჭკაჭიშვილი.

სახანძრო სამსახურის უფროსი, თამაზ დარბაიძე კი აღნიშნავს, რომ არც ერთ თანამშრომელთან 19 აპრილის აქციის თემაზე საუბარი არ ჰქონია.  

,, თუ ერთი ადამიანი მაინც იტყვის, რომ მე მას აქციაზე მისვლა  ვთხოვე, დღესვე დავტოვებ სამსახურს. ვითხოვ მე-9 არხის ეთერით,  სადაც გააკეთა ომაიძემ ეს განცხადება მანვე უარყოს და შეხვდეს ჩემ კოლექტივს", - აცხადებს, რუსთავის  სახანძრო სამსახურის ხელმძღვანელი, თამაზ დარბაიძე.

Kkpress.ge  დაუკავშირდა ბ-ნ გოჩა ომაიძეს. მან ჩვენთან სატელეფონი საუბარში განაცხადა, რომ მის მიერ გაკთებული განცხადება იყო უზუსტო  და ის მზადაა შეხვდეს რუსთაველ მეხანძრეებს, ასევე სამსახურის ხელმძღვანელს და გაკეთებული განცახდებისთვის პირადად მოიხადოს ბოდიში.

მანონ ბოკუჩავა

kkpress.ge მასალის  გამოყენება  შეგიძლიათ,  მხოლოდ,  საიტის  მითითებით