Friday, April 26, 2013

თვითმმართველობის განცხადებას ,, სამოქალაქო ჩართულობის ცენტრი’’ ეხმაურება




" ბოლო პერიოდში, პრესისა და მასობრივი ინფორმაციის  საშუალებებით რუსთავის თვითმმართველობის, უფრო კონკრეტულად, გარკვეულ თანამდებობის პირთა მისამართით, სხვადასხვა სახის ბრალდება გავრცელდა. გვინდა აღვნიშნოთ, რომ რუსთავის თვითმმართველობა, ყველა იმ განცხადებას, რომელიც „სამოქალაქო ჩართულობის ცენტრის" თანამშრომლის მხრიდან, თვითმმართველობის მისამართით გაკეთდა, აფასებს, როგორც ცილისწამებას და მიზანმიმართულ კამპანიას, რომელიც ქალაქის თვითმმართველობის დისკრედიტაციას ისახავს მიზნად", - წერია  განცხადებაში.


,, რაც შეხება, ზემოთ აღნიშნული ორგანიზაციის წარმომადგენლის მიერ წაყენებულ ყველაზე შეურაცხმყოფელ ბრალდებას, რომელიც რუსთავის თვითმმართველობის თანამდებობის პირების ტრანსპორტის სფეროში პირად ფინანსურ დაინტერესებას ეხებოდა, აღნიშნულ საკითხთან დაკავშირებით მიმდინარეობს კონსულტაციები იურისტთა ჯგუფთან  და  რეაგირება მოხდება კანონით დადგენილი წესით", -ვკითხულობთ თვითმმართველობის მიერ გამოქვეყნებულ, ოფიციალურ განცხადებაში.




,, რაც შეხება იურიდიულ კონსულტაციებს ვურჩევ, რომ მაღალკვალიფიციური კადრები მოიძიონ, რომლებიც შეძლებენ დამნაშავე ნაციონალების დაცვას.  ვინაიდან ჩვენ უკვე მოვიძიეთ არაერთი მტკიცებულება, იმის შესახებ, რომ ქალაქში ირღვევა მოსახლეობის და მძღოლების უფლებები და კვლავაც ვაგრძელებთ ამ პროცესს", - აცხადებს ჩიტაძე.

" თვითმმართველობას მივმართეთ რეკომენდაციით რათა,  იმ ავტოსატრანსპორტო კომპანიის გამოვლენა, რომელიც ადგილობრივ მოსახლეობას უნდა მოემსახუროს, თბილისის მსგავსად, ტენდერის მეშვეობით განხორციელდეს. ამასთან, ყველა დასაქმებულ მძღოლს უნდა შეუნარჩუნდეს სამუშაო ადგილი და ტენდერის პირობები არ უნდა ითვალისწინებდეს, მგზავრების გადაყვანაზე, გადასახადის ზრდას", -  დასძენს ჩიტაძე.


"კონკურსის გამოცხადება არ ნიშნავს რუსთავის თვითმმართველობის ღიაობას საკითხისადმი. მათ შეუძლიათ საკუთარი ინტერესებიდან გამომდინარე მიიღონ სუბიექტური გადაწყვეტილებები. ჩვენ ვითხოვთ რომ აღნიშნული პროცესი ტენდერის პრინციპით დარეგულირდეს. რაც მოსახლეობას საშუალებას მისცემს მეტად აკონტროლოს თვითმმართველობის ორგანო. ჩვენს ხელთ არსებული კონკრეტული ინფორმაციის მიხედვით, ქალაქის მერი, ვიცე-მერი, საკრებულოს თავმჯდომარე ხელოვნურად აჭიანურებენ ამ პროცესს.

თვითმმართველობას და საკრებულოს შეუძლია მიიღოს ძალიან ბევრი კანონი, რომლის მიხედვითაც შეეძლებათ გადაავადონ და არ ჩაატარონ არც ერთი ტენდერი თუ კონკურსი. საბოლოო ჯამში, ისინი იღებენ არალეგალურ შემოსავალს, სამარშუტო ტაქსების მძღოლების, კომპანიების და ხაზების მფლობელებისგან", -საუბრობს "სამოქალაქო ჩართულობის ცენტრი"-ს, წარმომადგენლი და ყურადღებას ამახვლებს მიმდინარე პროცესებში, პროფესიული კავშირის აქტიურობაზეც.

 ,, თვითმმართველობის განცხადებით, თბილისი-რუსთავის სამგზავრო გადაზიდვებზე წლევანდელი კონკურსის ვადის გაჭიანურება "საქართველოს ტრანსპორტისა და გზების მუშაკთა პროფესიული კავშირისა" და აღნიშნულ მარშრუტზე მომუშავე მძღოლთა, კოლექტიური წერილების გათვალისწინებით განხორციელდა, რომლის მიხედვითაც პროფესიული კავშირები თვითმმართველობისგან კონკურსის ვადის ერთი წლით, მძღოლები კი, ხუთი წლით  გადაწევას ითხოვდნენ. უმჯობესი იქნება რომ პროფკავშირის წარმომადგენლებმა უკეთესად შეასრულონ ნაკისრი ვალდებულებები. სხვა შემთხვევაში მიჩნდება ეჭვი, რომ შესაძლოა ისევე მანიპულირებდეს მათით საკრებულო,  როგორც მძღოლებით, რომლებსაც მოტყუებით დააწერინეს წერილი კონკურსის ვადის გახანგრძლივებასთან დაკავშირებით. საკითხავია ეს  ხდება პროფკავშირების შეგნებულად ხდება ? "-საუბრობს, ლევან ჩიტაძე.

" საქართველოს ტრანსპორტისა და გზების მუშაკთა პროფესიული კავშირის" თავმჯდომარის, ლავრენტი ალანიას შეფასებით, მაშინ როდესაც თვითმმართველობა ოფიციალურად აცხადებს, რომ მათ მიერ უკვე გათვალისწინებულია პროფკავშირების და მძღოლების თხოვნა, ამის შესახებ დროულად უნდა ეცნობებინათ დაინტერესებული მხარისთვის.




No comments: