ყირგიზეთის დელეგაცია რუსთაველ ჟურნალისტებს შეხვდა

KKPRESS.GE

რუსთავში სამდღიანი ვიზიტით მყოფი ყირგიზეთის რესპუბლიკის დელეგაცია ადგილობრივ ჟურნალისტებს შეხვდა. მათ აიტერესებდათ  მედიის შეფასებები -  ქალაქის მართვის სხვადასხვა საკითხებზე. განსაკუთრებულ ინტერესს იჩენდნენ ბუნებრივი ნარჩენების შეგროვების, გადამუშავების, წყლის სისტემების მუშაობის თემებზე. აღნიშნავდნენ, რომ მათ ქვეყანაში არის ,,სიმდიდრე", მაგრამ სახელმწიფოს სხვადასხვა ინსტიტუტები განსავითარებელია. ,, ჩვენთვის მისაბაძია კორუფციასთან ბრძოლის საქართველოს გამოცდილება"   - საუბრობდნენ დელეგაციის წარმომადგენლები.

kkpress.ge-ს კითხვა უფრო კონკრეტულად, რა მიზანს ისახავს  მათი ვიზიტი და იგეგმება, თუ არა სამომავლო ერთობლივი პროექტები,  აცხადებდნენ: ,, ჩვენ ცხადია, სამომავლო თანამშრომლობის ძალიან დიდი სურვილი  გვაქვს, თუმცა ამ ეტაპზე რაიმე კონკრეტულ პროექტზე ვერ ვისაუბრებთ".

მედიასთან შეხვედრა გენდერული თანასწორობის საკითხსაც შეეხო.  ყირგიზეთის დელეგაციის წევრებმა ერთხმად განაცხადეს, რომ მათ ქვეყანაში გენდერული თანასწორობა არა თუ დაცულია, ხშირ შემთხვევაში,  ქალბატონები მამაკაცებზე აქტიურები და წარმატებულებიც არიან. ,, ჩვენთან  სავალდებულოა ვიცე-მერი იყოს ქალბატონი და  ხშირად, შემჩნეული გვაქვს, რომ  საქმიან შეხვედრებზე ქალბატონთა რიცხვი მამაკაცებისას აჭარბებს კიდეც",  - დასძენდნენ.

გენდერული თანასწორობისადმი დამოკიდებულების ნიშნათ მათ მედიის წარმომადგენლებს ყირგიზული ფულის ერთ-ერთი კუპიურაც წარუდგინეს, სადაც ქალბატონია გამოსახული. 

kkpress.ge მასალის გამოყენება შეგიძლიათ, მხოლოდ, საიტის მითითებით