გარდაბნის საკრებულომ რაიონში ქონების გადასახადი განსაზღვრა

KKPRESS.GE

დღეს, გარდაბნის საკრებულოში მორიგი სხდომა გაიმართა. განსახილველად 18  საკითხი გამოიტანეს და საკრებულოს წევრებმა ერთხმად თვრამეტივეზე  თანხმობა განაცხადეს.

საკრებულომ სხდომაზე არაკომერციული იურიდიული პირების წესდებებთან ერთად ორი კერძო კომპანიის შემოტანილი წინადადება განიხილა. შპს ,, ჰარცენბერგ ბრო" ითხოვდა სოფელ სართიჭალაში საზოგადოებრივი სივრცის გამოყენებაზე ნებართვას, რათა დაემონტაჟებინა ახალი საირიგაციო სისტემა. საზოგადოებრივი სივრცის გამოყენებაზე ნებართვას ითხოვდა შპს ,, ელ.კომფორტ სერვისიც" - საკუთარი საწარმოს ,, გარე ელექტრო მომარაგებისთვის".

საკრებულომ აღნიშნულ წინადადებებთან ერთად დააკმაყოფილა სასაფლაოზე ,, სამედიცინო და ორგანული ნარჩენებისთვის" 10 კვ.მ.  აღნიშნული საკითხი საკრებულოს წინაშე გარდაბანში მოქმედმა შპს ,, ჯეო ჰოსპიტალ"-მა დააყენა.  საკრებულოს წევრებს არ უკითხიათ,  აღნიშნული მიწა რატომ გადაეცა  შპს-ს უსასყიდლოდ.

სხდომაზე დადგინდა გარდაბნის მუნიციპალიტეტის მიწების კატეგორიები და ქონების გადასახადი. განისაზღვრა მიწის შემდეგი კატეგორია სათიბი, საძოვრები, კარგი და მწირი ხარისხის მიწები. ქონების გადასახადის განაკვეთები ერთ კვადრატულ მეტრზე კი დადგინდა: გარდაბნის აღმაშენებლის ქუჩა - ცენტრალური  ზონა - 0.288ლ,  შუალედური ზონა - სხვა ქუჩები 0.24ლ, პერიფერიულო ზონა - გარდაბნის სოფელბი - 0.192ლ.