მარნეულის რაიონი სოფელი ილმაზლო – რეპორტაჟი +ფოტომასალა

KKPRESS.GE

მარნეულის რაიონი სოფელი ილმაზლო მცირე ზომის სათბურენით იწყება. ადგილობრივებს ძირითადად, პომიდორი და მწვანილი მოჰყავთ. აქ, სხვა შემოსავლის წყარო საქონელია, თუმცა ყველა ოჯახში გვიხსნიან, რომ სათბურებით და სოფლის განაპირას არსებული მიწის ნაკვეთების დამუშავებით ირჩენენ თავს.

,, ჩვენ გვერდით სოფლებს აქვთ ბუნებრივი აირი, ჩვენთან კი არაა. ასევე, პრობლემაა სარწყავი წყალი, რადგან წყლის საქაჩი,  რომელიც ელექტროენერგიით  მუშაობს ერთ ადამიანს ეკუთვნის. ის კი ძვირად გვაძლევს სარწყავ წყალს", - საუბრობენ სოფელში. ამბობენ, რომ 41-ს მისცეს ხმა და ცვლილებებს ელიან. ილმაზლოში ,,ქართულ ოცნებას" 41-ად მოიხსენიებენ.

41-თს ილმაზლოში სხვა პრობლემაც  აქვს მოსაგვარებელი. სოფელში საუბრობენ, რომ მიწის პრივატიზაცია ადგილობრივი ყოფილი და და დღემდე თანამდებობაზე მყოფი ჩინოვნიკების წყალობით უსამართლოდ წარიმართა.  

ადგილობრივი სულხან ველიევი გვიხსნის, რომ იმ ნაკვეთის ნაცვლად, რომელსაც 7 წელი ამუშავებდა, სხვა დაუკანონეს.

 ,, ეს მიწა არის კარგ ადგილზე და  ამიტომ მოხდა ეს გადაცვლაც.. სოფლის ყოფილი გამგებელი, ალბათ, სხვა თანასოფლელს გაურიგდა, რომელსაც ჩემზე მეტი ფული აქვს და ეს მიწა, რომელიც კარგ ადგილზეა მას ჩაუგდო ხელში. მე კი სხვა ნაკვეთი დამიკანონეს იმის ნაცვლად, რომელსაც წლებია ვამუშავებ", - საუბრობს,  ველიევი.

ამბობს, რომ მიწის ნახაზები მას არ მოუმზადებია, უბრალოდ სოფლის ახლა, უკვე ყოფილ გამგებელს აჩვენა ის ნაკვეთი, რომელსაც 7 წელია ამუშავებს და პრივატიზებას ითხოვდა. დღეს, სულხან ველიევი დახმარებისთვის ადვოკატს მიმართავს და საქმის ქვემო ქართლის საოლქო პროკურატურაში შეტანას გეგმავს.

ასეთივე პრობლემა აქვს ილმაზლოში მცხოვრებ ისტახან ველიევს. სოფელში გვხსნიან, რომ მასაც სულხან ველიევის მსგავსად წლების განმავლობაში მოსარგებლე მიწის ნაკვეთს ედავებიან. ისტახან ვალეიევმა უკვე მიმართა პროკურატურას.

ქვემო ქართლის საინფორმაციო პორტალი სიტუაციაში გასარკვევად მარნეულის გამგეობას ესტუმრა. მუციპალიტეტის ქონების მართვის სამსახურში გვიხსნიან, რომ აღნიშნული პრობლემა პრეზიდენტის მაისში მომზადებულმა ინიციატივამ გამოიწვია.

,, პრეზიდენტის ბრძანებულების თანახმად მოხდა პირდაპირი მიყიდვის წესით მიწის ნაკვეთების გადაცემა მათ მოსარგებლე პირებზე. აქ, კი მთელი რიგი ხარვეზები გამოიკვეთა. ერთის მხრივ, პრობლემა შექმნა უზუსტო ნახაზებმა და მერეს მხრივ, შეიძლება ითქვას, რომ ადგილი გარკვეულ შემთხვევებში მიწის მოსარგებლეთა შეცდომასაც ჰქონდა. ამას ვამბიბ, რადგან მიწის ამზომველი ადგილზე სამუშაოებს დამქირავებლის, ანუ მიწის მოსარგებლის ნებართვით აწარმოებს და ნახაზს ამ უკანაკნელის ხელმოწერას - დასტურის ნიშნად ურთავს", - საუბრობს, მარნეულის მუნიციპალიტეტის ეკონომიკისა და მუნიციპალური ქონების მართვის სამსახურის უფროსი, დავით ხარშილაძე.

კითხვაზე მიწის პრივატიზაციის პროცესში იყო, თუ არა შესაძლებელი ცვლილებები სოფლის რწმუნებულს შეეტანა ამბობს, რომ თეორიულად ამისი შანსი არსებობს. ხარშილაძე გვიხსნის, რომ მიწის მესაკუთრე ნახაზის მომზადების შემდეგ მის მთავარ კოდს გადასცემდა სოფლის რწმუნებულს, სადაც წესით ზუსტად უნდა იყოს მითითებული მიწის ნაკვთის მდებარეობა. სწორედ, ამ კოდის გამოყენებით ევალებოდა სოფლის რწმუნებულს წერილით გუბერნატორისთვის მიმართვა და მიწის დასაკუთრების თხოვა მოქალაქისთვის, რომელიც მის ტერიტორიულ ერთეულში შედის.

ილმაზლოში სოფლის ნაკვეთების პრივატიზაციის საკითხით დაინტერესებას პროკურატურას სთხვენ და აცხადებენ, რომ თუ გამოძიება ეფექტურად არ წარიმართება, პრობლემის მოგვარებას საკუთარი ძალებით ეცდებიან, რაც შესაძლოა ფიზიკურ დაპირისპირებაში გადაიზარდოს.

p.s ფოტორეპორტაჟი იხილეთ kkpress.ge-ს facebook-ის გვერდზე. 

 

kkpress.ge მასალის გამოყენება შეგიძლიათ, მხოლოდ, საიტის მითითებით