წალკის საკრებულოს ირაკლი გიგინეიშვილი უხელმძღვანელებს - 14 ივლისი 2014
KKPRESS.GE
დღეს ახალი შემადგენლობის საკრებულოს პირველი სხდომა წალკის თვითმმართველობაშიც გაიმართა. საკრებულოს წევრებმა თავმჯდომარე და მოადგილე აირჩიეს.
თავმჯდომარის თანამდებობაზე დასახელდა ორი კანდიდატი: „ქართული ოცნებიდან" - ირაკლი გიგინეიშვილი და „ბურჯანაძე ერთიანი ოპოზიციიდან" - იური მოდებაძე. კენჭისყრის შედეგად 38 ხმით წალკის საკრებულოს თავმჯდომარე ირაკლი გიგინეიშვილი გახდა. 5 ხმა მიიღო იური მოდებაძემ - 2 ხმა კი გაბათილდა.
საკრებულოს თავმჯდომარის მოადგილედ, მხოლოდ ერთი კანდიდატი დასახელდა „ქართული ოცნებიდან" - გოჩა ხაჩატურიანი. მას მხარი საკრებულოს 44 წევრმა დაუჭირა - 1 ხმა გაბათილდა.
ასევე, 45 წევრისგან შემდგარმა საკრებულომ დღეს ცნობად მიიღო ინფორმაცია ცხრა ფრაქციის შექმნის შესახებ.
გურამ კახაძე
kkpress.ge მასალის გამოყენება შეგიძლიათ, მხოლოდ, საიტის მითითებით
Comments