მარნეულის საზოგადოებრივი ორგანიზაციების შემაჯამებელი შეხვედრა შედგა

KKPRESS.GE

მარნეულის ,,დემოკრატიული ჩართულობის ცენტრის" ინიციატივით რაიონში მოქმედმა არასამთავრობო და მედია ორგანიზაციებმა  2012 წლის მუშაობა შეაჯამეს.

შეხვედრას რაიონის ახალი გამგებლის  მოვალეობის შემსრულებელი, პაატა აბრამიშვილიც დაეწრო. საზოგადოებას თავიანთი საქმიანობის შესახებ მოკლე მიმოხილვა შემდეგმა ორგანიზაციებმა წარუდგინეს: ,,მარნეულის ახალგაზრდულმა ცენტრმა", ,,მარნეულის დემოკრატ ქალთა საზოგადოება"მ,  ,, საქართველოს ახალგაზრდა აზერბაიჯანელთა კავშირმა", ,, აზერბაიჯანელთა კულტურის ცენტრმა",  ,, საქართველოს აზერბაიჯანელ ქალთა კავშირმა",  ,, შაუმიანის სათემო განათლების ცენტრმა", ,,საქართველოს შეფასების ასოციაციამ" და  ,, მარნეულის ტელევიზიამ".  

რაიონში მოქმედი არასამთავრობო სექტორის, გასული წლის პრიორიტეტებად სკოლამდელი აღზრდის საკითხები, ქალთა უფლებები, თვითმმართველობის მუშაობის მონიტორინგი და ახალგაზრდების ხელშეწყობა გამოიკვეთა. 

ღონისძიების ერთ-ერთმა მონაწილემ  ,,კულტურის ცენტრის" წარნოადგენელმა,  ნარგიზ ალიევამ აღნიშნა, რომ ცენტრი 2007 წლიდან აქტიუარდ ეხმარება აზერბაინაჯელ სტუდენტებს. ,, წელს 300 აზერბაიჯანელი ახალგაზრდა სწავლობს ქართულ სასწავლებელში. ჩვენ მათ სტიპენდიით ვეხმარებით. შეგახსენებთ, რომ მათი  რიცხვი წინათ, სულ რაღაც,  25 იყო.

ასევე,   ცენტრი 2012 წლიდან თანამშრომლობს თურქეთის განათლების სამინისტროსთან. 2013 წელს ჩვენი ახალგზარდები ცენტრის დახმარებით უსაფოდ ისწავლიან თურქეთში. ასევე, ცენტრის სურვილია ხელი შეუწყოს ახალგაზრდებს ევროპის სხვადასხვა ქვეყნებში სწავლაში", - საუბრობდა, ნარგიზ ალიევა.

თავისი საქმიანობის პრეზენტაცია მოახდინა, ,, მარნეულის ახალგაზრდულმა ცენტრმა". აღნიშნული ორგანიზაცია მარნეულის გარდა ბოლნისისი რაიონშიც მუშაობს და ასობით ახალგაზრდას აერთიანებს. ცენტრის ერთ-ერთი ფილიანი მარნეულის ცენტრში ,,ჩაის სახლში" მდებარეობს, სადაც მოზარდებისთვის სხვადასხვა სახის წრეები მოქმედებს. ხდება, დაინტერესებული ახალგაზრდებისთვის, როგორც ქართული ენის, ასევე ინგლისურის სწავლება. ,,ჩაის სახლში" მოქმედებს ცეკვის და ჭადრაკის წრეები.   ორგანიზაცია სტუდენტების გააქტიურების მიზნით სისტემატიურად აწყობს ტრენინგებს და სემინარებს.

შეხვედრაზე 2012 წლის ანგარიში მარნეულის ,, დემოკრატიული ჩართულობის ცენტრმა"-ც წარადგინა: ,, ჩატარებული შეხვედრების რაოდენობა: 214 შეხვედრა;

ბიბლიოთეკის მომხმარებელი: 67 ადამიანი;  დისკუსიების მონაწილეთა რაოდენობა : 4094 ადამიანი;  კომპიუტერის მომხმარებელთა რაოდენობა: 3235", - საუბრობდა ცენტრის  კოორდინატორი, მარიამ სამხარაძე.

ღონისძიებაზე განსაკუთრებული ყურადღება ,,მარნეულის ტელევიზიას" ხვდა წილად. აღნიშნულ მედიასაშუალებას წლების მანძილზე მუშაობისთვის მადლობა შეხვედრის მონაწილეებმა გადაუხადეს. შეგახსენებთ, რომ სიხშირესთან დაკავშირებული პრობლემების გამო ტელევიზიამ დროებით შეწყვიტა მაუწყებლობა.

,, ყველაფერი კარგად იქნება, გარწმუნებთ ტელევიზია განაგრძობს თავის საქმიანობას" , - აცხადებდა, მარნეულის გამგებლის  მოვალეობის შემსრულებელი, პაატა აბრამიშვილი. აღნიშნულ თემაზე მედიასთან ვრცელი კომენტარებისგან ტელევიზიის ხელმძღვანელმა თავი შეიკავა. პირად საუბარში კი განგვიცხადა, რომ საკითხი ერთ კვირაში გადაწყდება.

სამოქალაქო სექტორის შეხვედრა მარნეულის ,,დემოკრატიული ჩართულობის ცენტრში" საათ-ნახევარს გაგრძელდა. შეხვედრის ბოლოს სიტყვით მარნეულის ახალი გამგებელი გამოვიდა და განაცხდა, რომ მზადაა ითანამშრომლოს რაიონის ყველა არასამთავრობო ორგანიზაციასთან.

პ.ს ,,ქვემო ქართლის საინფორმაციო პორტალი - KKPRESS.GE" სოლიდარობას უცხადებს მარნეულის ტელევიზიას. პორტალი საჭიროები შემთხვევაში მზადაა რეგიონში ორგანიზება გაუწიოს ტელევიზიის მხარდასაჭერ ღონისძიებებს.

 

 

 

 

 

 

kkpress.ge მასალის გამოყენება შეგიძლიათ, მხოლოდ, საიტის მითითებით