თავდაცვაში დაბრუნების შანსი ყოფილ თანამშრომლებს

KKPRESS.GE

თავდაცვის სამინისტროს გაერთიანებულ შტაბში, შექმნილი სპეციალური სამუშაო ჯგუფი, გასულ წლებში, უწყებაში მომუშავე პირების აღდგენის საკითხს ინდივიდუალურად განიხილავს.

 ,, სამუშაო ჯგუფი შემოსულ განცხადებებს წოდების, დათხოვნის საფუძვლის და ქვედანაყოფების მიხედვით ახარისხებს და მათ დამატებით შესასწავლად სტრუქტურულ ქვედანაყოფებს უგზავნის. თუ განმცხადებლის წოდება და კვალიფიკაცია შეესაბამება სტრუქტურულ ქვედანაყოფში არსებულ ვაკანსიას, ის გადის სამედიცინო შემოწმებას და სტრუქტურული ქვედანაყოფის დადებითი რეკომენდაციის საფუძველზე, ინიშნება შესაბამის თანამდებობაზე", - ინფორმაციას თავდაცვის სამინისტრო ავცელებს.

სპეციალური სამუშაო ჯგუფში, რომელიც დათხოვნილი კადრების ბედს წყვეტს სამინისტროს სამოქალაქო ოფისისა და გაერთიანებული შტაბის წარმომადგენლები შედიან. აღნიშნული ჯგუფი 22 თებერვალმდე იმუშავებს,  შემდეგ კი მოქალაქეების აღდგენისა და დასაქმების საკითხს თავდაცვის მინისტრის ბრძანებით შექმნილი თანამდებობრივი საკვალიფიკაციო კომისია განიხილავს. აღნიშნული კომისია  ცენტრალიზებულად იმუშავებს, დასაქმების მსურველებს სპეციალურ ტესტირებას და შემოწმებას ჩაუტარებს. ამის შემდეგ,  მოამზადებს სარეკომენდაციო გადაწყვეტილებებს მათი დანიშვნისა,  თუ დანიშვნაზე უარის თქმის თაობაზე.

თავდაცვის სამინისტროს ოფიციალური ინფორმაციით  მათ  შეიარაღებულ ძალებში აღდგენისა და დასაქმების თხოვნით 3 323 პირმა მიმართ. მათ შორის, 443 უფროსი ოფიცერი, 409 უმცროსი ოფიცერი, 1 976 კაპრალი და სერჟანტი და 495 სამოქალაქო პირია.

დღევანდელი მდგომარეობით, მიღებული განცხადებებიდან 435 სამხედრო და სამოქალაქო პირი უკვე აღდგენილია, ხოლო 500-მდე პირი დანიშვნის პროცედურებს გადის.

kkpress.ge მასალის გამოყენება შეგიძლიათ, მხოლოდ, საიტის მითითებით