ხვალ ივანიშვილს ,,ოცნების“ რუსთაველ წევრთა ნაწილი ესტუმრება

KKPRESS.GE

რუსთავში ქართული ოცნების წევრთა ნაწილი აქციებს აგრძელებს. ისინი დრეს  რუსთავის ,,კინო რუსთაველთან"  შეიკრიბნენ. ითხოვენ დაფუძნდეს პარტია ,,ქართული ოცნების" რუსთავის ორგანიზაცია და ხელმძღვანელად, წინასაარჩევმოდ კოლიციის საქალაქო ორგანიზაციის შტაბის ხელმძღვანელი, ალეკო ბერიძე დაინიშნოს.

მათი თქმით, ბერიძე  უსამართლოდ გარიცხეს პარტიიდან. აცხადებენ, რომ მას შემდეგ რაც ალეკო ბერიძე ,, ჩამოიშორეს"  ,,ქართული ოცნების" პარტიაში გაწევრიანება ,,ნაციონალური მოძრაობის" წევრებმა და აქტიურმა მხარდამჭერებმა დაიწყეს.

,, უკმაყოფილება გამოიწვია იმან, რომ 1 ოქტომბრის გამარჯვების შემდეგ პარტიის რუსთავის ორგანიზაცია არ დაფუძნდა. ამასთან ერთად გარიყეს პარტიიდან ის ადამიანები ვინც ყველაფერი გააკეთა ამ გამარჯვებისთვის, საუბარი მაქვს ზონის კოოდინარტორებზე და ჩვენ აქტივისტებზე. გვაინტერესებს  რატომ მოხდა ეს ასე?!  ერთადერთი ბატონი ბიძინას იმედი გვაქვს და ვიცით, რომ გაერკვევა საქმეში.

წლების მანძილზე ჩვენ რაიონს და ქალაქს კლანური მმართველობით მართავდნენ. არ გვინდა  ახლაც იგივე გაგრძელდეს. ის ადამიანები ვინც ცდილობენ პარტიის რაიონული ორგანიზაციის სათავეში მოსვლას სწორედ, ამ პრინციპს აგძელებენ.

თუ ვცდები, მაშინ  გამოვიდნენ და თქვან, რომ ისინი არც ერთ თანამდებობაზე არ დაინიშნებიან და მხოლოდ პარტიის გაძლიერებაზე იზრუნებენ" - საუბრობდა, ალეკო ბერიძე.

 მისი თქმით,  აღნიშნულ აქციას  უერთდებიან, როგორც წინასაარჩევნოდ კოალიციაში მომუშავე ზონის კოორდინატორები,  ასევე კოალიციის რუსთავის ორგანიზაციის დამფუძნებლები.  ერთდერთი, სიახლე რასაც ალეკო ბერიძე დადებითად აფასებს ეს ღარიბაშვილის და კბილაშვილის უწყებას უკავშირდება. ,, ძალიან მახარებს ის გარემოება, რომ პოლიტიკურ პროცესებში შსს და პროკურატურა არ ერთვება. ეს მისასალმებელია და ვიტყოდი, რომ ეს არის ის რასაც 1 ოქტომბერს გამარჯვებით მივაღწიეთ", - დაძენს  ბერიძე.

აქციაზე შეკრებილი ,,ოცნების" მხარდამჭერების საუბრის მთავრი თემაც ბერიძეს უკავშირდება. კოალიციის რუსთაველი წევრი, ანზორ ხუციშვილი ამბობს, რომ მათთვის პარტიის რუსთავის ორგანიზაციის ხელმძღვანელად მისაღები,  მხოლოდ, ალეკო ბერიძის კანდიდატურაა.

 ,, რუსთავის  ორგანიზაციის დაფუძნება ხელოვნურად ჭიანურდება. გამოჩნდნენ კლანები,  რომელთაც პარტიაში საკუთარი ხალხის შეყვანა და კლანური პოლიტიკის გატარება სურთ. ჩვენ ამის წინააღმდეგი ვართ. ამ აზრს იზიარებს 80% იმ ადამიანებისა, ვინც მუშაობდა კოალიციაში წინასაარჩევნოდ. მათ რიცხში შედის კოალიციის 12 დამფუძნებელი  რუსთავის შტაბის 116 წევრი და სხვა მხარდამჭერები.

რაც შეეხება ალეკო ბერიძეს ის ყველაზე რთულ დროს დაუდგა პარტიას გვერდით და ყველაფერს, რომ თავი დავანებოთ ეს არის ადამიანი, რომლიც ჭირისუფალი იყო, გარდაცვლილი დედა სახლში ესვენა და ამომრჩეველთა სიებზე დარბოდა", - საუბრობს, ,,ქართული ოცნების" აქტივისტი ანზორ ხუციშვილი.

ალეკო ბერიძე  და მისი მხარდამჭერები ხვალ  14:00 საათზე ივანიშვილის რეზიდენციასთან შეიკრიბებიან.  

პარტიის მეორე ფრთა კი, რომლის მიმართაც ბერიძის მხარდამჭერებს უკმაყოფილება აქვთ,  რუსთავში პოლიტიკური ნიშნით დახურული კერძო სკოლა ,,მილენიუმის" დირექტორის, ელზა ლეკვეიშვილის გარშემოა შეკრებილი. სწორედ, მისი კანდიდატურა განიხილებოდა ,,ოცნების" რუსთავის ორგანიზაციის ხელმძღვანელად, თუმცა ამ ეტაპზე პარტიის ხელმძღვანელობაზე უარს თავად ლეკვეიშვილი ამბობს. 

,,ოცნების" ორივე ფრთას ერთი მოთხოვნა აერთიანებთ, უკვე, ერთმანეთთან  ,,ბრძოლით"  დაღლილები დახმარებას ,,ცენტრს" სთხოვენ.  მათი თხოვნაა პარტიის რუსთავის  ორგანიზაციის საკითხში ბიძინა ივანიშვილი გაერკვას და პრობლემას საბოლოოდ წერტილი დაუსვას.

 

kkpress.ge მასალის გამოყენება შეგიძლიათ, მხოლოდ, საიტის მითითებით