,,ლიდერთა სახლი“ და რუსთაველი ახალგაზრდები

KKPRESS.GE

რუსთავის იუსტიციის სახლი ადგილობრივი აქტიური ახალგაზრდების თავშეყრის ადგილად იქცა. დამამთავრებელი კლასის ახალგაზრდები ყოველ კვირა იუსტიციის სახლში იკრიბებიან, ხვდებიან მათთვის საინტერესო პროფესიის ადამიანებს, ისმენენ მათ პროფესიულ ისტორიებს და ემზადებიან საკუთარი არჩევანის გასაკეთებლად. არჩევანი კი ერთია,  მათ უნდა გადაწყვიტონ, როგორი იქნება მათი სამომავლო პროფესიული არჩევანი.  

ახალგაზრდებს  იუსტიციის სამინისტროს სსიპ  ,,დანაშაულის პრევენციისა და ინოვაციური პროგრამების ცენტი"-ს პროგრამა ,,ლიდერთა სახლი" აერთიანებთ.

,,ლიდერთა სახლი" ახალგაზრდული კლუბია,  რომლის მთავარი ამოცანა ახალგაზრდებში ჯანსაღი ცხოვრების წესის პოპულარიზაცია,  მათთვის კულტურულ-შემოქმედებითი ინიციატივების განვითრება და დამოუკიდებელი აზროვნების ჩამოყალიბებაა. ,,ლიდერთ სახლი"-ს ერთ-ერთი მიმართულება ,,პროფესიული არჩევანია".

,, ქვემო ქართლის საინფორმაციო პორტალი" ბოლო ორო კვირაა თვალყურს ადევნებს აღნიშნული პროგრამის ფარგლებში მიმდინარე შეხვედრებს. რუსთაველი ახალგაზრდები  პროგრამის ხელმძღვანელებმა, უკვე შეახვედრეს ფსიქოლოგს, პროკურორს,  ექიმს, ინფორმაციული ტექნოლოგიების სპეციალისტს, ჟურნალისტს და მსახიობს.

შეხვედრას მსახიობთან kkpress.ge ესწრებოდა. მოწვეულ მსახიობს, სოსო ელიზბარაშვილს ,,ლიდერთა სახლის" ახალგაზრდებმა ათობით კითხვა დაუსვეს. მოზარდებს ყველაზე მეტად მსახიობის პროფესიის დადებითი და უარყოფითი მხარეები აინტერესებთან.

,, სირთულეები, ცხადია, არსებობს. მე უკვე 13 წელია მსახიობი ვარ, მაგრამ ყოველი პრემიერის დროს  ისე ვღელავ, როგორც პირველად ვღელავდი სცენაზე გასვლისას", - საუბრობდა, ელიზბარაშვილი. უხსნიდა ახალგაზრდებს, რომ მას  ვინც აირჩევს მსახიობის პროფესიას უნდა ესმოდეს, რომ სცენაზე ასვლისას მისი ყველა  პირადი პრობლემა მეათეხარისხოვანი ხდება და ერთადერთი რაც მას ევალდება საკუთარი ოსტატობით მაყურებლისთვის სიამოვნების მინიჭებაა.

მიუხედავად იმისა, რომ მსახიობის  პირადი გამოცდილებები და თავგადასავლები ახალგაზრდებისთვის სახალისო და საინტერესო აღმოჩნდა აცხადებდნენ, რომ მსახიობობას მაინც არ გეგმავენ.  ამ დროისთვის ,,ლიდერთა სახლის" აქტიური ახალგაზრდების, დიდი ნაწილის,  არჩევანი ჟურნალისტის პროფესიაზე ჩერდება.

,,ლიდერთა სახლი" აგრძელებს ახალგაზრდების სხვადასხვა პროფესიის ადამიანებთა შეხვედრებს.  მოზარდებს, რომლებიც ჯერ არ არიან აღნიშნული პროგრამის მონაწილეები შეუძლიათ, ყოველ ოთხშაბათს,   დარეგისტრირდნენ  ,,ლიდერთა სახლი" -ს facebook-ის გვერდზე. 

https://www.facebook.com/LidertaSakhli

 

 

kkpress.ge მასალის გამოყენება შეგიძლიათ, მხოლოდ, საიტის მითითებით