ბაქო–ჯეიჰანის მეზობლები: – ,, აქ, № 1 ტრანსპორტი, კვლავ, ვირია“

KKPRESS.GE

სოფელ დაღეთისკენ მიმავალი გზა ბაქო-თბილისი-ჯეიჰანის ნავთობსადენის  მილს მიჰყვება.  დაღეთს ქალაქ თეთრიწყაროდან  9 კილომენტრი აშორებს. საავტომობილი გზა მოასფალტებული არაა, თუმცა  მასზე ხშირი მოძრაობისგან გატკეპნილია. გზის გასწვრივ მინდვრებზე, ნავთბოსადენის მილების ადგილის მაჩვენებელი  ნიშნებია. მათ ადგილობრივები სამკუთხედის ფორმის გამო,  კარვებს უწოდებენ.

დაღეთში ნავთობსადენთან მეზობლობაზე ბევრს საუბრობენ. ამბობენ, რომ სოფლის ერთ მხარეს ნავთობი მიედინება, მეორეზე კი ბუნებრივი აირი, რომელიც  დაღეთის მეზობელ სოფელ  - სამშვილდეს ამარაგებს გაზით.

,, ყველაზე საინტერესო კი ისაა, რომ სოფელს არ აქვს ბუნებრივი აირი და ჩვენი გავლით ამ სიკეთეს სამშვილდე იღებს. ნავთობსადენზე, ხომ საერთოდ საუბარი არი არის. დაღეთში ცივილიზაციას ჯერ არ ჩამოსულა.  აქ, ნავთობპროდუქტების გამოყენების ნაცვლად, № 1 ტრაპორტის კვლავ, ვირია", - საუბრობენ დაღეთის ცენტრში, წყაროსთან შეკრებილი ადგილობრივები.

დაღეთში სახედარი  თითქმის ყველა ოჯახს ჰყავს. ტვირთის გადასაზიდად  და გადაადგილებისთის, ძირითადად,  მას იყენებენ.  სოფელში დღეში 2-3 ჯერ სამარშუტო ტაქსიც ადის, თუმცა დაღეთში  ამბობენ, რომ მათი  № 1 ტრასნპორტი შეუცვლელია.

სოფელში  მუდმივი მაცხოვრებელი 80-100-მდე ოჯახია. დაღეთში  ათობით მიტოვებული სახლია. ადგილობრივები გვიხსნიან, რომ მათი მეზობლები რუსეთსა და სომხეთში წავიდნენ.

,,სოფელში გარდა ბუნებრივი არის საკითხისა, პრობლემა გვაქვს ელეტროენერგიის კუთხითაც. ყოველი ქარის დროს ზიანდება გაყვანილობა, ან ელექტრობოძი იქცევა..", -  საუბრობს ადგილობრივი, ავეტ სარქისიანი.

სოფელში ოჯახების სრული უმრავლესობა სომხურია.   ქართულად,  მხოლოდ სკოლის ასაკის ბავშვები საუბრობენ. ამბობენ, რომ სკოლა მათგან 4 კილომეტრითაა დაშორებული და  სოფელ სამშვილდეშია.

,, დილით სამარშუტო ტაქსს მივყავრთ, შემდეგ კი ისევ სოფელში გვაბრუნებს", - ამბობს, დაღეთში მცხოვრებილი მე-9 კლასელი  ედო. მან სოფელში ქართული ყველაზე კარგად იცის და გიდის ფუნქციას ითავსებს. გვაცნობს მეზობლებს, რომლებიც სხვა პრობლემაზე საუბრობენ.

,, აქ, ხვნა-თესვის ვაუჩერები-ნახევარ სოფელს არ მიგვიღია. მათ შორის არც მეც, არადა გვიანდება მიწის დამუშავება", - გვიხსნის,  დაღეთელი რაფელ  მირაზიანი.

ახალი მთავრობასთან,  მათი ძირითადი სათხოვარი მაინც ბუნებრივ აირს და სოფლისკენ მიმავალ გზას უკავშირდება.  სოფელი რაიონული ცენტრიდან დაღეთამდე არსებული 9 კილომენტრიანი გზის მონაკვეთის შეკეთებას და მოასფალტებას ითხოვს. 

p.s ფოტორეპორტაჟი იხილეთ kkpress.ge-ს facebook-ის გვერდზე.

 

სოფიკო ზურაშვილი

მანონ ბოკუჩავა

kkpress.ge მასალის გამოყენება შეგიძლიათ, მხოლოდ, საიტის მითითებით