ალიევის სკვერთან მცირე ინციდენტი მოხდა + ვიდეო

KKPRESS.GE

რუსთავში კოსტავას გამზირზე მდებარე ალიევის სკვერთან მცირე ინციდენტი მოხდა. გვიან ღამით სკვერთან საპატრული პოლიციის ორი ეკიპაჟი და ადგილობრივი პოლიცია იმყოფებოდა. სამართალდამცავები მანქანების  სიმრავლით და ერთმანეთთან  ხმამაღალი საუბრით იქცევდნენ ადგილობრივების ყურადღებას.

ქვემო ქართლის საინფორმაციო პორტალი დაინტერესდა, რა სახის ინციდენტს ჰქონდა ადგილი. ალიევის სკვერის დაცვის სამსახურმა პირად საუბარში განაცხადა, რომ ინციდენტი იყო წვრილმანი ხასიათის, წინააღმდეგ შემთხვევაში პოლიცია ,,აგრესიულად განწყობილ" ნასვამ მდგომარეობაში მყოფ მოქალაქეს დააკავებდა.  მათი თქმით, შუა ხნის ნასვამ მდგომარეობაში მყოფი მამაკაცი აგრესიულად იქცეობა, თუმცა ინციდენტი მალევე ამოიწურა. დაცვის თქმით, არც სკვერს და არც ჰეიდარ ალიევის ძეგლს ზიანი არ მიადგა. 

აღნიშნული ფაქტი არ არის რუსთავში ერთეული შემთხვევა. ხშირად,  ცენტრალურ გამზირზე კეთილმოწყობილ დასვენების ადგილებში, მოქალაქეები აზიანებენ სკამებს და სანაგვე ურნებს.

ვიდეო: http://www.youtube.com/watch?feature=player_embedded&v=Tdp8yqHEwKw

მანონ ბოკუჩავა

kkpress.ge მასალის გამოყენება შეგიძლიათ, მხოლოდ, საიტის მითითებით