უმისამართო ამომრჩეველი არჩევნებში მონაწილეობას ვერ მიიღებს

KKPRESS.GE - ქვემო ქართლის საინფორმაციო პორტალი 

არჩევნების დღის ოფიციალურად დასახელების შემდეგ, საარჩევნო რეჟიმზე გადავიდნენ საოლქო საარჩევნო კომისიები. რუსთავის მე-20 საოლქო საარჩევნო კომისიის თავმჯდომარე, გაგა აფციაური აცხადებს, რომ საოლქო ცეესკოს წინასწარ განსაზღვრული გეგმის მიხედვით მუშაობს და ამ ეტაპზე რაიმე სახის პრობლემა არ შექმნილა.

მისი განცხაებით თვითმმართველობის არჩევნებზე რუსთავში 87 უბნის ნაცვლად 84 გაიხსნება, რადგან კანონში შეტანილი ცვლილებების თანახმად უმისამართო ამომრჩევლები ხმას ვერ აძლევენ, შესაბამისად უმისამართოებისთვის ცალკე უბნების გახსნის საჭიროება არ არის.

,,დაახლოებით 3 000-მდე იყო უმისამართოთა რაოდენობა. იმისთვის, რომ მათ შეძლონ არჩევნებში მონაწილეობის მიღება უნდა დარეგისტრირდნენ ფაქტობრივ საცხოვრებელ მისამართზე. აღნიშნული რეგისტრაცია ხდება უფასოდ იუსტიციის სახლში", -საუბრობს, გაგა აფციაური.

მსგავსი პრობლემის მქონე ამომრჩეველმა ფაქტობრივ მისამართზე რეგისტრაცია არჩევნებამდე არაუგვიანეს 11 დღისა უნდა მოასწროს.

kkpress.ge მასალის გამოყენება შეგიძლიათ, მხოლოდ, საიტის მითითებით